السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمه الله وبركاته ،اهلا بيكم في مدونة Ruknowledge
النهارده هنتكلم عن الشخصيات .
الشخصية الي اتولدنا بيها وغالباً مش بتتغير انما بيتم تهذبها ، الشخصية الي معرفتنا بيها ممكن تقصر علينا طرق كتير .
هل سبق انك سمعت شخص بيوصف نفسه بأنه INTJ أو ENFP وسألت نفسك ايه الشيفرة دي ،وايه معني الحروف دي ؟
الحقيقة انهم يقصدو نوع شخصيتهم بناء علي مؤشر مايرز بريجز للانماط او Myers Briggs Types Indicator اختصاره هو ( MBTI ).
مؤشر انماط الشخصية مايرز بريجز عبارة مجموعة اسئلة مصممة لتحديد نوع شخصية الشخص ونقاط قوته وتفضيلاته.
تم تطوير الاختبار من إيزابيل مايرز ووالدتها كاثرين بريجز بناءً على نظرية كارل يونج لأنواع الشخصية.
الحقيقة في تصنيفات كتير للشخصيات ، إنما وجهة نظري الشخصية مقياس مايرز بريجز MBTI أكثرهم منطقة وشمولية .
وكمان حاليا ، اختبار MBTI واحد من أكثر الأدوات النفسية المستخدمة لمعرفة صفات الشخصية .
تطوير اختبار مايرز بريجز
كان كل من مايرز و والدتها بريجز مفتونين بنظرية يونج للأنواع النفسية و ادركم أن النظرية ممكن أن يكون لها تطبيقات في الواقع . خلال الحرب العالمية الثانية ، بدأوا في البحث وتطوير مؤشر ممكن استخدامه للمساعدة في فهم الفروق الفرديةللأشخاص .
ابتكرو مايرز و بريجز أول نسخة خلال الأربعينيات من القرن الماضي ، وبدئو مايرز و بريجز في اختبار التقييم على الأصدقاء والعائلة.
استمروا في تطوير الاختبار بالكامل خلال العقدين اللاحقين .
نظرة عامة على الاختبار
بناءً على إجابات الأسئلة الموجودة في الاختبار ، يتم تحديد الأشخاص على أنهم عندهم شخصية واحده من 16 نوع من الشخصيات.
الهدف من اختبار MBTI هو السماح للاشخاص ب استكشاف وفهم شخصياتهم الخاصة ويعرفو ايه نقط قوتهم وايه نقاط ضعفهم .
لازم نعرف ان مافيش نوع شخصية "أفضل" من نوع آخر. اختبار MBTI مش مصمم للبحث عن الخلل في الشخصيات .
للكن هدفه هو ببساطة مساعدتك في معرفة المزيد عن نفسك.
ايه الي بيتم قياسه في اختبار MBTI ؟
تصنيف مايرز بريجز بيعتمد علي الأضداد و بيتكون الاختبار من أربعة مقاييس
الانبساط * الانطواء
الحس *الحدس
التفكير * الشعور
الصرامة * المرونة
اولا العالم المفضل
الانبساط و الانطواء
ازاي تحصل على طاقتك هل عن طريق الحياة الاجتماعية و الاصدقاء والعيلة ولا عن طريق التقوقع بداخل كهفك
مافيش شخص انطوائي أو انبساطي ١٠٠% و علشان نحكم علي شخص هو انبساطي أو انطوائي بتحكم من خلال تجديد طاقته .
الشخص الانبساط طاقته بتتجدد من خلال مشاركته مع الناس في الأنشطة الاجتماعية .
انما الانطوائي بيجدد طاقته في الهدوء مع نفسه .
ثانياً المعلومات
الحس والحدس
ازاي تاخذ وتكتسب المعلومات وتتعلم
الحسي بيفضل تلقي ومعالجة المعلومات بإستخدام أحد الحواس الخمس: البصر، السمع، الشم، اللمس، أو التذوق.
تركيزه في الغالب على الحاضر، والتعامل مع العالم الفيزيائي الملموس. بيشوف الأشياء بظاهرها، وبيبحث عن التفاصيل والوقائع، مفكر و واقعي.
الحدسي بيفضل استقبال المعلومات على هيئة نظريات أو ملخصات، بعد كده بيستخدم حدسه لتكوين الصورة الكامله. الحدسي بيميل للتفكير في المستقبل، وبيحط إحتمالات، وبيستخدم الإحتمالات في معالجة المعلومات وتوقع النتائج. بيحب استيعاب الصورة الكبيرة لأي موضوع يقابله، وبدل فهم معلومة محددة بيحاول فهم كل ما حاجة له علاقة بالمعلومة. جيد في قراءة ما بين السطور و مفكر تجريدي.
ثالثا القرارات
التفكير و الشعور
ازاي بتتخذ القرارات هل عن طريق العقل او المشاعر والعواطف
العقلاني شخصية محايدة، لما تعوز تاخد قرار في الغالب بتتعامل مع المشكلة بشكل غير شخصي وتبحث في الحيثيات النتائج، المنطق، الأسباب، القانون المتفق عليه. بيؤمن أنه من المهم جداً التعامل مع الأمور بالعقل، من غير العاطفة.
العاطفي شخصية عندها عاطفة جياشة، لما يحب ياخد قرار في الغالب بيتعامل مع المشكلة بشكل شخصي، ويستخدم القيم الإنسانية، الأخلاق، الشعور بالحب أو الكره، بيقدم قلبه على عقله في اتخاذ القرار. بياخد العاطفي القرار بهدف تحقيق الموازنة، التوافق بين الأطراف، ومحاولة إرضاء الجميع.
رابعاً النظام
الصرامة و المرونة
ازاي بتحب أنك تنظم وقتك وبيئتك هل انت منظم جدا وصارم ولا مرن اكتر
بيحب الصارم أن يكون الناس والأشياء من حواليه منظمين، ومترتبين. بيحب الإستقرار في حياته، و التخطيط لحياته واتباع الخطط التي بيحطها بحذافيرها. وبيحب أن يكون لكل شيء معاد. ومش بيحب ألاعمال المفتوحة.
الشخصية المرنة، شخص مرن، بيحب ترك الخيارات مفتوحة ادامه، بيفكر بطريقة عشوائية. بيفضل التعامل مع الأمور عند حدوثها، وبيجيد التكيف مع الطوارئ. مش بيحب يلتزم بمواعيد لتسليم الأعمال، ولو اتفرضت عليه في الغالب بيلاقي صعوبة في الإلتزام بها.
بتضرب التقسيمات دي كلها في الخلاط وبيطلع لينا 16 شخصية متقسمين ل 4 مجموعات .
المحللين وهما 4شخيات
المنطقي
INTP
القائد
ENTJ
المحاور
ENTP
الدبلوماسين وهما 4شخصيات
المحامي
INFJ
الوسيط
INFP
البطل
ENFJ
المناضل
ENFP
المنظمون وهما 4 شخصيات
اللوجستي
ISTJ
المدافع
ISFJ
التنفيذي
ESTJ
القنصل
ESFJ
المستكشفون وهما 4شخصيات
الفنان المبدع
ISTP
المغامر
ISFP
رائد عمل
ESTP
المسلي
ESFP
ايه الفائدة الي ممكن تعود عليك بمعرفة نمط عن طريق اختبار MBTI ؟
- بعد اختبار MBTI ومعرفة نمطك او شخصيتك ، هيكون عندك فهم أفضل لكل ردود فعلك وتصوراتك .
- هتعرف ان كلنا عندنا طرق مختلفة في رؤية العالم والتفاعل معه.
ان مافيش شخصية افضل من شخصية انما احنا ( فقط ) مختلفين ،
وكل شخص عنده ما يثير الاهتمام وبيخليك تشوف من زاوية مختلفة.
كمان غالبا بيقع الناس في فخ الاعتقاد الخاطئ بأن معظم الأشخاص الآخرين عندهم نفس ارائهم ومواقفهم وسماتهم ، وده مش حقيقي بعد اختبار MBTI هتعرف ان لازم تقول للاخرين تفضيلاتك الشخصية هما مش هيعرفوها لوحدهم .
فهمك لبعض سمات شخصيتك و سمات الأشخاص المقربين منك مفيد في العلاقات.
مثلا انت اجتماعي ولكن زوجتك أكثر انطوائية ، هتكون قادر تشوف العلامات الي ب تدل على أن شريكتك منهكة ومحتاجة استراحة في كهفها تشحن طاقتها .
هي كمان هتفهم رغبتك بتجميع اصدقائك و زوجتهم وأطفالهم في زيارة و ان دي طريقتك في شحن طاقتك ،عن طريق معرفة سماتكم الشخصية هتفهمو احتياجات بعض اكتر وهتتقبلوها وده هيقوي العلاقة بينكم .
- هتحدد ايه بيعجبك وايه بتكرهه
ممكن تكون كنت بتكره دايما التكلم على الهاتف لكن لم تفهم السبب.
أو ممكن دايما بتحتاج لوفت اطول في التفكير لاتخاذ القرارات .
من خلال معرفتك علي نمطك او شخصيتك هل انت انبساطي او انطوائي ،او انت عقلاني او عاطفي ، هتكون قادر اكتر على فهم سبب تفضيلك لأشياء معينة وعدم إعجابك بأشياء أخرى.
وده هيكون مفيد لما تحاول تأخذ ممكن تاثر علي حياتك زي مثلا تخصصك الجامعي .
ممكن تختار تخصص ومهنة متماشية مع تفضيلاتك الشخصية وده هيخليك أكثر سعادة ورضا عن اختيارك وعملك على المدى الطويل.
- هتتعرف اكتر علي الخيارات المثالية بالنسبة لك .
ممكن يساعدك معرفتك عن نوع شخصيتك أيضًا في اكتشاف طرق جديدة للتعامل وحل المشكلات.
لو اكتشفت مثلا أنك تميل إلى أن تكون انطوائ ، في المستقبل هتعطي نفسك وقت اكتر علشان ترتاح وتشحن طاقتك لوحدك قبل ما تروح مناسبة اجتماعية مهمة لك او لشريكك .
- هتتعرف علي نقاط قوتك ونقاط ضعفك .
مثلا لو كنت صاحب نمط ISTJ (إنطوائي، حسي، عقلاني، صارم) على اختبار MBTI ، هتكون فاهم ان جوانب معينة في شخصيتك منكن تكون نقاط قوة في بعض المواقف ونقاط ضعف في مواقف تانية ، فمثلا مهاراتك التنظيمية القوية وشخصيتك الي بتهتم بالتفاصيل ممكن تكون نقطة قوة في شغلك ، إلا أنها ممكن تخليك أحيان تانيه تتعثر لو كنت في موقف محتاج منك توكيل مهمة ما لزميل اخر .
ايه الي مش ممكن يتوقعه اختبار MBTI
- قياس او توقع ادائك ده خيارك الشخصي ، عندك ما يؤهلك لفعل اشياء معينة في شخصيتك لكن تستخدمها او لا ده هيفضل خيار سخصي لك .
- أخبرك ايه وظفتك الافضل ، ده كمان خيارك الشخصي بناء علي معرفتك بنفسك وشخصيتك .
- مين شريكك المثالي ، لان مل انماط الشخصية ال١٦ عندهم نقط قوة ونقاط ضعف واي علاقة محتاجة بعض المرونة والتضحية من الطرفين لنجاح العلاقة ،مافيش علاقة بتتولد مثالية ،المثالية بتيجي بالتقبل والتضحية .
نصائح حول كيفية إجراء اختبار MBTI
اولا اختبار MBTI مافهوش ايجابات صح وايجابات غلط .
كمان على عكس العديد من أنواع التقييمات النفسية الأخرى ، مش بتتم مقارنة نتايجك بأي معايير.
هو ببساطة اداة لمعرفة شخصيتك .
وعلشان كده كون نفسك وانت بتجاوب ،ديما جاوب اجابتك الي بتوصف شخصيتك الحقيقية مش الي بتحاول تهذبها او تكونها .
يفضل إجراء الاختبار MBTI لما تكون في مزاج عادي وطبيعي بالنسبة لك ، لان حالتك العاطفية سواء كانت إيجابية أو سلبية ،ممكن تاثر علي اجابتك ونتيجة اختبارك .
تجنب المشتتات قم بإجراء الاختبار وانت مش مشغول بافكار الشخصية او أحداث الحياة او الأشياء الموجودة في بيئتك المباشرة ، وديما ركز وبلاش تتسرع .
ديما اجابتك تكون عن ما ينطبق عليك في معظم الأوقات.
لو بدا أن الخيارين مناسبين ، فكر لو هتار اختيار واحد وهيفضل هو بس لاخر يوم في حياتي هيكون ايه ،ده ممكن يساعدك .
ما تفكرش كتير زي ما قولنا مافيش اجابة غلط لو كنت صادق ، فما تجدلش نفسك او تتاثر بحد تاني .
بعد النصايح دي ممكن الاختبار ياخد وقت اطول شوية ، او اقل شوية ، عادي جدا ، ولو حسيت باي توتر وقف الاختبار ،وخده بعدين وانت في حالة افضل واهدي .
اضغط علي اختبار MBTI هيفتح معاك الاختبار .
وبعد الاختبار ارجع لنا هنا هنتكلم عن الشخصيات ال ١٦
وهنا يكون خلص كلامنا والمرة الجاية هنمسك شخصية من 16 شخصية ونتكلم عنها
نرجو ان يكون موضوعنا افدكم ونال اعجابكم الي اللقاء في موضوع اخر في Ruknowledge
تعليقات
إرسال تعليق