Ruknowledge

 السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج). كلنا حاليا قاعدين في البيت و متوترين وفي منا كتير بيعاني ومش عارف يذاكر. النهارده هيكون موضوعنا نصائح للمذاكرة، هيكون متقسم لقسمين، الاول هيكون للمامي  او المسؤل عن مذاكرة الطفل   من كي جي وان للصف السادس الابتدائي مثلا. الثاني هيكون نصايح للمذاكرة للأولاد الكبار لان في العمر ده دور الام  إشراف عليهم او للمساعدة ان احتاجوها اولا نصائح المامي او  المسؤل عن الطفل لمساعدة اطفالها في المذاكرة من كي جي للصف السادس الابتدائي  . 1- الأطفال بتحب الروتين جدا وبترتاح فيه اعمل جدول للمذاكرة وعرفه اليوم الي قبله احنا هنذاكر مادة كذا بكرة بعد الفطار وكذا بعد الغدا.  2- قبل ما تذاكر لطفلك حضر الدرس وافهمه عادي جداً تكون حاجات نسيناها ومحتاجين نراجع عليها تاني علشان ما ترتبكش امام الطفل.  3-لو المدرسة بتاعت ولادك بتقدم محاضرات اون لاين اسمعها معاهم، او جروبات الفيس بوك دور عليهم وانضم هتكون مصدر كويس للتحضير للمذاكرة، كمان جوجل واليوتيوب ولو هتدور مثلا علي جوجل او اليوتيوب م...

 السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج). تخيل تصحي من النوم تلاقي نفسك شايف الدنيا بالمقلوب الي فوق تحت  والي تحت فوق وكأنك ماشي علي ايدك مثلا، احنا عيونا فعلا بتشوف الصورة مقلوبة لكن المخ بيعالج الصورة ويخلينا نشوفها صح، تخيل بقي لاي سبب كان المخ ما يعلجش الصورة ونشوف الدنيا مقلوبه. ما تستغربش هو ده موضوعنا النهارده. في معهد ماساتشوستس ل التكنولوجيا بالتعاون مع جامعة هارفرد في 2013 ظهرت حالة عجيبه حيرتهم، لبنت صربية بتشوف بالمقلوب. بوجانا دانيلوفيتش( bojana danilovic ) الخبيرة الاقتصادية في دار بلدية مدينة اوبيتشي في صربيا، بتستخدم الكي بورد مقلوب وشاشة الكومبيوتر مقلوبه حتي نماذج الورق الي بتكتب فيها بتتعمل لها مخصوص علشان بتكتب بالمقلوب و بتقرأ كمان بالمقلوب  وكمان شاشة تلفزيون مقلوبة فوق شاشة التلفزيون الي اهلها بيتفرجو عليه. بوجانا بتقول انا اتولدت كده دي الطريقة الي بشوف بيها العالم. العلماء قالو ل بوجانا انها بتشوف زينا بس دماغها مش بتترجم الصورة صح، كمان قالولها  انهم مش عارفين فين الخلل في دماغ بوجانا الي بيخليها تش...

 السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج). النهارده موضوعنا لمحبين القطط، معانا اغرب واجمل ٦سلالات نشئة عن طفرات جينيه في القطط. قط لابرام (laperm) قط لطيف حنون جداً بيتميز بفرائه الناعم متوسط لطويل بتمويجة حلوة وغريبة مش بتتفك بالتمشيط ، وزنة من ٣ ل ٦كيلو، وطوله من ١٢ل ١٨ بوصه. ممكن فرائه يكون باي لون بس الشائع لون الزنجبيل، او بشكل صدفة السلحفاة، وعيونها ممكن تكون باي لون.  متوسط عمرها من ١٠ل ١٥سنة.  ودودة  ودها متوسط لعالي، وصدقتها للأطفال والحيوانات الأليفة متوسط لعالي.  ذكائها عالي وشقية جدا ونشيطة وبتحب اللعب، وصعب انها تخربش.  تاريخ قط لابرام laperm  في عام ١٩٨٢ ،في بستان كرز قطة اسمها سبيدي ولدت ٦قطط، كان منهم واحدة لونها بني صلعاء تماما غير باقي اخوتها الي فيهم فراء.  بعد ٤ أسابيع بدأ يظهر لها فراء كان ناعم ولكن مموج، فسموها كيرلي علشان فرائها المموج.  كيرلي كان لطيفة ومطيعة، ولدت كيرلي ٥قطط كانت صلعاء، ولكن بعد ٨ اسابيع ظهر فرائهم المموج الناعم زي امهم كيرلي.  كيرلي وولادها خلفو قطط كتير...

 السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج). كورونا مع الأسف لسه موجود وحاليا في مصر في موجة جديدة بدأت من اخر السنة الي فاتت تقريبا، فالنهارده موضوعنا هيكون عن الحجر الصحي المنزلي . هيكون متقسم لقسمين الأول تحضير المنزل علشان لو لا قدر الله فرد من الاسرة اصيب يكون المنزل جاهز للحجر الصحي . الثاني لو فعلا فرد من الاسرة اتصاب بفيروس كورونا. تحضير المنزل للحجر الصحي . 1- هنقعد مع افراد الاسرة نختار غرفة تكون جيدة التهوية وبيدخلها شمس ويا ريت قريبة من الحمام ( اعزكم الله) او فيها حمام منفصل وتكون الغرفة دي مكان الحجر اذا اصيب فرد لا قدر الله ويا ريت يكون فيها wifi و تليفزيون.  2-  هنشتري ترمومتر و علبة كمامات طبية و يا ريت جهاز قياس النبض و الاكسجين في الدم وجونتيات واكياس قمامة وبخاخ ونحطهم في درج في الغرفة الي اخترنا انها تكون للعزل. 3- لو انت أم وعندك أطفال حطي خطة لو لا قدر الله اتصبتي هتطلبي مساعدة من مين في الاكل مثلا والعناية بالأطفال. 4- كل شخص في الاسرة يعمل  قايمة بالحاجات المسلية الي ممكن يعملها لو لا قدر الله اصيب ويحضر...

 السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج). موضوع النهارده عن الدغدغة ( الزغزغة). من الأسئلة الوجودية العميقة الي بتنط في عقلنا اول ما نحط دماغنا علي المخدة ونفكر ننام ليه لما ب نزغزغ (ندغدغ) نفسنا مش بنضحك ولما حد بيزغزغنا بنضحك؟ موضوعنا النهارده هيجواب السؤال العميق ده. كلنا تقريبا اتعرضنا للدغدغة في حياتنا خصوصا في الطفولة، كل الاباء والامهات بيدغدغو اولادهم، هو شئ خاص جدا ودليل علي قرب الاشخاص لبعض. لما حد بيدغدغك بتضحك وبتعمل حركات لا ارادية علشان تتجنب الدغدغة، واكيد الضحك ممكن يغير مزاجك. طيب ليه ما ينفعش ندغدغ نفسنا ونضحك ونخرج من مزاج وحش مثلا ونفرح نفسنا بنفسنا. السبب بسيط دماغنا بيراقب حركتنا وبيتوقع الاحساس الي هنحسه مع الحركة دي وبيتجاهل الاحساس. دماغنا بتعرف ان صوبعنا رايح علشان يدغدغنا فبتقلل الاستجابة الحسية علي الدغدغة.  طيب ليه دماغنا بيتجاهل الاحساس المترتب علي حركتنا ؟  بمنتهي البساطة لان احنا لو انتبهنا لكل حركة بنتحركها ده هيقلل انتبهنا وممكن يوقعنا في مشاكل بسبب قلة الانتباه وديما عقلنا بيحاول يحافظ علي حياتنا...

 السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج). النهارده موضوعنا زي ما واضح من العنوان عن البيات الشتوي للحيوانات او سبات الحيوانات. طيب تعالو نعرف الاول يعني ايه بيات شتوي وايه الفرق بينه وبين النوم العادي. البيات الشتوي مش زي النوم العادي بيحصل تغيرات كتير في الجسم أثناء البيات الشتوي، زي انخفاض درجة حرارة الجسم ( مش بيحصل للدببة)، كمان ضربات القلب بتكون بطيئة، والتنفس كمان بيكون بطيئ، لدرجة ان لو حد شاف حيوان وهو في سبات هيفتكره مات مش نايم. العلماء بيعتقدو ان في مركب كيميائي هو الي بيعرف الحيوانات امتي تدخل في السبات او البيات الشتوي اسمه Hibernation Induction Trigger اختصاره HIT ،رغم معرفة العلماء ب HIT الا اننا معندناش معلومات عنه كافية وكل الي نعرفه انه لما بيبدأ النهار يكون اقصر ودرجة حرارة الجو  تقل بيبدأ افراز المركب ده في دم الحيوان ويبدأ الحيوان يستعد للسبات. الحيوانات الي بتدخل في سبات او بيات شتوي بتبدأ تاكل بكميات كبيرة جدا من الخريف علشان تزود الدهون في جسمها، علشان جسمها يقدر يقوم بعملياته الحيواية وكمان يحافظ علي درجة حرارته...

 السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج). والنهارده زي ما واضح من العنوان كلامنا عن القتلة المتسلسلين او السفاحين. الاول نعرف يعني ايه قاتل متسلسل؟  هو شخص قتل 3مرات بينهم فترة زمنية يعني حوالي شهر غالبا الضحايا مش بيكون عارفهم قبل كده بيكونو عشوائين.  التعريف بيتغير من بعض السلطات في بيقلل عدد الضحايا ل2 وبعدهم بيعتبرو القاتل، قاتل متسلسل وفي بيرفعهم ل 4، وفي بيقول مش شرط يكون الضحايا مجهولين للقاتل.  عندنا في مصر كان في  قاتل متسلسل زمان اسمه التوربيني، وحاليا قاتل جديد اسمه قذافي، قذافي ضحاياه عارفينه وهو عارفهم، كمان عنده دافع لقتل كل ضحيه من ضحاياه.  ندخل في الموضوع بتاعنا ليه القتله المتسلسلين بيقتلو؟ معظم عمليات القتل الي بيقوم بيها القتله المتسلسلين ملهاش دافع بالنسبة للمحققين، لكن في الحقيقة في دافع و في رغبات كتير بتخلي القتله المتسلسلين بيقتلو. غالباً القتلة بيكونو عانو في طفولتهم من الهجر، من الاب او الام وفي بعض الحالات من الاب والام، كمان في اتعرضو لعنف، وفي اتعرضو لانتهاكات جسدية كمان. وعلشان كده كتير...

 السلام عليكم ورحمة الله وبركاته. أهلاً بيكم معانا في مدونة Ruknowledge (ركنوليدج). النهارده زي ما ظاهر في العنوان كلامنا عن طيور الفلامنجو   (النحام)، طيور جميلة من اجمل الطيور بلونها الوري ( الي بتكتسبه من اكل الجمبري واليرقات و الطحالب)، ومن اغرب الطيور كمان طيور الفلامنجو بتاكل ورأسها مقلوب، وبتقف علي ساق واحدة، واسباب وقفهاعلي ساق واحدة هو الي هنحاول نعرف سببه في الموضوع ده.    وقوف طيور الفلامنجو علي ساق واحدة حير العلماء وعلشان كده ظهر عدد من النظريات لتفسير السلوك الغريب ده.  اول نظرية كانت ان طيور الفلامنجو بتريح عضلات الساق المرفوعة علشان لو حصل هجوم عليها تجري اسرع. واتعمل دراسة علشان تنفي او تاكد النظرية دي في أحد حدائق الحيوان الامريكية، المفروض ان سرعة طيور الفلامنجو وهي واقفة علي ساق واحدة تكون الأسرع، ولكن الي حصل كان العكس تم قياس سرعتها وهي واقفه علي ساق واحدة، وسرعتها وهي واقفة علي ساقين، ظهر ان حركتها اسرع وهي واقفة علي الساقين. النظرية التانية قالت ان الطيور بتفقد كتير من حرارة جسمها عن طريق الساقين، علشان كده طيور الفلامنجو بترفع ساق ع...

 السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج). جهزو نفسكم بقي علشان النهارده هخدكم للبحر، موضوعنا عن مثلث برمودا. هنعرف مساحته وسبب تسميته، بعض الحوادث، والتفسيرات المقترحة للحوادث دي.  مثلث برمودا( او  مثلث الشيطان) موجود في شمال المحيط الأطلسي، مش معروف حدوده بالظبط، بس الي المعظم متفق عليه  عليه انه حدوده ولاية فلوريدا (ميامي) و بورتريكو و جزيرة برمودا والثلاث نقط دول لو وصلناهم ببعض هيعملو شكل مثلث متساوي الأضلاع، وعلشان كده اتسمي مثلث برمودا، مساحته حوالي ٥٠٠٠٠٠ ميل مربع. اول حد اتكلم عنه كان كريستوفر كولومبوس وهو بيستكشف العالم الجديد، قال ان حصل نشاط غريب في البوصلة في المنطقة دي وكمان شاف نار نزلة من السماء للمثلث وقال ان ضوء النار دي استمر ايام،  اول حد اطلق عليه اسم مثلث برمودا كان الكاتب الأمريكي فينسنت جاديس عام ١٩٦٤، في مقال له.  ورغم كلام كولومبوس عنه الا انه ما لفتش الانظار غير بعد اختفاء سفينة شحن تابعة للقوات البحرية الأمريكية اسمه يو اس اس سايكلوبس سنة ١٩١٨ وكان علي متنها ٣٠٠ شخص تقريبا، وتعتبر من اكبر ح...

 السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج). النهارده هنتكلم عن شعب بوتون، عايشين في جزيرة بوتون في إندونيسيا، جزيرة بوتون اكبر الجزر ال 19في إندونيسيا، شعب بوتون منقسم لعدد من القبائل بعض القبائل عندها عيون زرقاء رائعة الجمال وكمان لونها عجيب وغريب، ودي حاجة نادرة في إندونيسيا كلهم عندهم عيون بنية غامقة او سوداء. سبب العيون الزرقاء دي متلازمة اسمها وردينبيرج، المتلازمة دي معروفة كمان بمتلازمة التصبغ لانها مش بس بتأثر علي لون العين كمان ممكن تاثر علي لون الشعر ولون الجلد. بس مع الأسف المتلازمة دي زي ما بتديهم عيون جميلة الا انها ممكن تعمل مشاكل كتير زي الصمم و اعاقات في الاطراف خصوصا العلوية و مشاكل في القالون حسب فئة المتلازمة، المتلازمة 4فئات. الاول والثاني اشهرهم ولكن الثالث والرابع نادرين جدا  المتلازمة جينية وراثية غالبا بتكون عند احد الابوين وهنا احتمال اصابة الاطفال بيها 50٪، ولو كانت عند الابوين بيكون الأعراض اشد وبتظهر عيوب خلقية في الاطراف ( النوع الثالث) او ضيق القالون ( النوع الرابع)، وممكن تحصل كطفرة وراثية وتيجي لمولود وهي مش...

 السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج) النهارده موضوعنا غريب شوية،في ١٠سبتمر ١٩٤٥ كان لويد اولسن بيقطع رأس الفراخ في مزرعة اهله في فرويتا ولاية كولورادو علشان يبعها في السوق، واحدة من الفراخ الي اتقطع راسها قامت وطلعت تجري، لويد اخدها وحطها في صندوق، صحي تاني يوم لاقاها لسه عايشة استني لاخر اليوم علشان يموت ومامتش.  لويد هنا ادرك ان الفرخة دي هتجذب الناس انهم يتفرجو عليها، وبدأ انها يعتني بيها ويأكلها، لويد قاعد يلف بالديك مايك لمدة ١٨شهر، عروض وكرنفالات ومناسبات عامة، الناس كانت بتدفع ٢٥سنت علشان تروح تتفرج علي مايك مقطوع الرأس، مايك دخل ل لويد حوالي ٤٥٠٠دولار شهريا، لويد كان بيأكل مايك لبن وحبوب في هيئة سائل في مريئه عن طريق قطارة، وكان بيشربه بنفس الطريقة. وكان لويد اولسن بيشيل المخاط الي بيتجمع  من حلقه بحقنة علشان مايك ما يموتش مخنوق بلعابه، مايك كان مشهور جدا وقتها ونيويورك تايمز كتبت عنه. مايك مات مخنوق بلعابه في ١٧ مارس ١٩٤٧ في فينيكس أريزونا ، صحي لويد علي صوته بيتخنق، بس كان ناسي الحقنة الي بيسحب بيها المخاط في عرض. وما...

 السلام عليكم ورحمة الله وبركاته. أهلاً بيكم معانا في مدونة Ruknowledge (ركنوليدج).  انتم من محبين القطط، عندكم قطط في البيت كائن لطيف ودلوع، وشقي، بس كسول، كم مرة بتنام في اليوم، لها كم صورة علي الموبيل وهي نايمة زي البيبي بكل برائة؟  اخدتو بالكم انها بتنام كتير تفتكرو ليه، هي دي تدويناتنا اليوم هنعرف ليه القطط بتنام كتير. القطط بتنام في اليوم من ١٥ ل ٢٠ ساعة دي طبيعتها، خصوصا القطط الصغيرة او القطط الكبيرة في العمر، القطط الشابة بيتامو بمعدل اقل، انتو عارفين بقي شباب وتهورهم وطيشهم.  القطط اصلا حيوانات مفترسة، فريسها سريعة و القطط بتحتاج تراوغ وتتسلل و بعدين تنقض علي الفريسة بس ساعات الفريسة بتهرب فترجع تاني تعيد الموضوع من اوله علي فريسة جديدة.  كمان القطط بتخرج للصيد في الفجر و المغرب وده بيحتاج مجهود.  القطط فعلا في البيئة الطبيعية بتتعب علشان تاكل، والجهد البدني والي بتبذله القطط اكيد محتاج طاقة والطاقة محتاجة راحة لفترات طويلة وعلشان كده القطط بتنام كتير.  بس القطط بتنام نوعين من النوم. النوع الاول فيه القطة بتبقي وخده قيلولة كده بس حاسة الشم وا...

 السلام عليكم ورحمة الله وبركاته. اهلا بيكم معانا في مدونة Ruknowledge. النهارده موضوعنا هيكون غريب، تخيل قاعد في مكان و فاجئة تشوف ضوء ازرق خارج من حد قاعد جنبك، تركز شوية بنظرك تلاقي الضوء ده نار، والنار زي ما خرجت فاجئة تتطفي فاجئة والشخص خلاص اتحول رماد. كتير قرينا روايات فيها شخصيات بتشتعل فيها نار مجهولة المصدر وبتتحول لرماد، بس ده خيال الكاتب صح؟ احب اقولك ان لا مش صح، في حوالي 200حالة اتسجلت في سجلات الطب الشرعي علي مدار 300 سنة لحالات اشتعلت فيها النار من جوها بدون اي مصدر خارجي للنار دي، وده الي سموه الاحتراق البشري الذاتي.  اول حالة معروفة لينا هي نيكول ميليت عام 1937، في الاول الشرطة اتهمت زوجها انه قتلها، بس الغريب ان نيكول اتحولت لرماد وما اتبقاش منها غير الجمجمة وعظم اصابعها والغريب ان سريرها الي لاقوها عليه ما اتحرقش غير أجزاء صغيرة جدا منه. الكاتب تمبل تومسون كمان من أشهر حالات الاحتراق الذاتي، اكتشفو انه ميت في بيته جسمه السفلي كله متفحم والغريب ان جسمه العلوي ما اتضررش خالص ولا هدومه ولا أثاث بيته.  الراقصة مابل اندروز كانت بترقص مع حبيبها فاجئة لاقو نا...