السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمه الله وبركاته
النهارده هنتكلم النهارده عن واحدة من انماط MBTI الستة عشر .
معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة .
معني INTJ ؟
هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة
حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص
حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل
حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل
حرف J رمز ل (Judging ) صارم وده معناه انه بيفضل التخطيط والتنظيم
صفات نمط المهندس INTJ
المهندس INTJ هو أحد المحللون انطوائي حدسي عقلاني وصارم .
مش بيعتمدو علي اي شخص في حياتهم ، الأولوية الأولي عندهم الشغل ،بيتوقعو الكثير من نفسهم ومن المحيطين بيهم .
بيقدرو الانظمة والاستراتيجيات ، بيشوفو العالم لوحة شطرنج بيتنقلو فيها.
غالبًا نمط المهندس INTJ عنده قدرة فريدة على توقع النتائج المنطقية.
بيستمتع نمط المهندس INTJ بالمجهود المبذول في الطريق لتحقيق أهدافهم.
متعطشين للمعرفة وبيسعو ديما انهم يزيدو كفاءاتهم
غالبًا بتكون معاييره مثالية لنفسه او لغيره .
مهتمين ديما بتحسين الذات
وبيفضلو يتعلمو مدى الحياة ، ديما بيسعو لتطوير معرفتهم ومعلوماتهم و وعيهم .
بيطلقق عليهم اسم الذئاب الوحيدة ،بسبب استقلالهم وعدم الاعتماد علي اي شخص آخر غير نفسهم .
السمات الشخصية للمهندس INTJ غامض ، دؤوب ، ومنطقي، واثق بالنفس ، ومنهجي.
ازاي بيشوفو الاخرين الاشخاص من نمط المهندس INTJ ؟
بيشوفو انه بيقضي كثير من وقته في التفكير.
إنه فضولي بشأن العالم حوله عايزين يعرفو الحقيقة الخفية للصورة الي هما شيفنها .
انه بيحلل المعلومات الي بيخدها بدقة ، ولو اتسأل سؤال هياخد وقته في التفكير وهيقدم اجابة دقيقة .
بيشوفو ان نمط المهندس INTJ بيفكر بشكل نقدي و واضح.
صريحين في كلامهم وابداء رأيهم ، وغالبا بيشوفو الصورة الكبيرة وبيتاجهلو التفاصيل الصغيرة .
نمط المهندس INTJ مش اجتماعين ،لكن واثقين في نفسهم واسلوبهم وواثقين في مقدار ذكائهم .
بيربطو بين الافكار بسرعة وبثقة ،بيقدرو التحدي الفكري.
اصحاب نمط المهندس INTJ بيستمتعو بمناقشة الأفكار الشيقة ، لو ما اتكلمتش معاهم بالمنط فصاحب نمط المهندس INTJ مش هيتردد لحظة وهو بيقول بكل ثقة ان الكلام ده مش منطقي .
نقاط قوة نمط المهندس INTJ
المهندس INTJ لا يعتمد على أحد .زي ما قولنا هما ذئاب وحيدة ، بيميلو إلى العمل بشكل مستقل.
مش بيعتمد نمط المهندس على أي شخص ونادرًا جدا اذا اعتمد على أي شخص غير أنفسهم.
الأولوية ديما للعمل متفوق على جميع القطاعات الأخرى في حياتهم بيكرسو الوقت والطاقة والجهد لحل اي مشكلة حتى لو كانت المشكلات معقدة جداً .
نمط المهندس INTJ جاهز ومستعد ومعاه كذا خطة للعمل لاي مشكلة ممكن تحصل ، بناء علي رؤيته الموسعة الي بتركز على المستقبل و رؤية الاحتمالات والتعرف على الإمكانات ، هو منطقي كفاية علشان كده بيشوف الثغرات والفجوات والتناقضات.
المهندس INTJ شخصية مخلصة واصحاب عزيمة.
نمط المهندس INTJ مشهورون بالالتزام الشخصي و شجاعتهم وصمودهم في مواجهة التحدي.
لما بيبدأ نمط المهندس INTJ مشروع بيكرس وقته تمامًا لإكمال المشروع بأكثر الطرق عملية وتفرد من نوعه .
إنهم مصممون بشكل مميز في كل ما يفعلونه ، مش بيخافو من التحديات الصعبة ،التحديات مش بتحبطهم علي العكس بيحمسهم ويفرحهم.
نمط المهندس INTJ وثقين في حكمهم و قدرتهم على حل المشكلات والتغلب على التحديات الي ممكن يوجهوها في حياتهم الشخصية أو المهنية.
المهندس INTJ شخص عقلاني
قراراتهم ديما مبنية على العقلانية ، بيبحثو ديما عن الأدلة والبراهين لدعم أفكارهم.
لما بيقدمون حلًا لمشكلة ما ، عادة الحل بيكون رائع يمكن تنفيذه عمليًا.
المهندس INTJ مصمم ومستعد للتعلم.
في العادة بيحط نمط المهندس INTJ معايير عالية صعب تحقيقها.
لكن توقعاته مش عالية للآخرين بس ، لا هما كمان بيتوقعون الكثير من نفسهم في كثير من الأحيان.
وعلشان كده ، لما بيقعو في موقف معقد بيتطلب رؤية إضافية ، بيكونو على استعداد لتعلم كل ما يلزم لتحقيق الهدف، بيسعو ديما جاهدين لزيادة كفاءتهم وتوسيع آفاقهم. بيعملو اي حاجة لتحسين نفسهم ،هيفضلو يتعلمو طول عمرهم.
المهندس INTJ فضولي ومبتكر
في الواقع نمط المهندس INTJ متقبل تمامًا وداعم للتغيير والابتكار ، عندهم اعتقاد دائم ان كل شئ موجود في العالم ممكن تطويره وتحسينه،وهيفضل يبحث عن طريقة جديدة ومبتكرة لتحسين اي شئ ومحاولة احداث تغير .
مبدعون جدا و في العادة بيوصلو إلى حلول وأفكار جديدة خارج الصندوق.
بيفضلون إيجاد حل جديد ومحدث بدل من استخدام الحلول الموجودة الي مش راضين عنها .
المهندس INTJ متعدد الجوانب
هما العقل المدبر بالمعنى الحقيقي للكلمة. بيشوفو ديما الصورة الكبيرة و بيشتغلو على جميع التحديات المحتملة من خلال تحليل الموقف بعناية.
مش بيترددو في تجربة اي شئ جديد.
نقاط ضعف نمط المهندس INTJ
نمط المهندس INTJ غير متسامحة مع الاخرين
براعة نمط المهندس INTJ في الفكر والمنطق واحدة من اهم سماته ونقاط قوته لكن ممكن تتحول لنقطة ضعف لو بقت عقدة تفوق .
بيتباهي اصحاب نمط المهندس INTJ بذكائها المتفرد ، ومع ذلك بيفتقرون إلى القدرة على فهم أنه مش كل شخص عنده نفس مهاراتهم المعرفية وده بيخلي اوقات كتير صبرهم ينفذ مع الاشخاص الي عندهم قدرة اقل علي التفكير المنطقي والعقلاني ، وديما بيصدرو احكام سريعة علي الاشخاص دي ومش بيتسمحو معاهم .
لسوء الحظ ، ده شائع جدا بين اصحاب نمط المهندس INTJ .
نمط المهندس INTJ متكبرة
نمط المهندس INTJ أشخاص واثقين من نفسهم عارفين إمكانياتهم ومهاراتهم. ومع ذلك تقديرهم الشديد لذاتهم ، بيظهرهم انهم متعجرفين وقاسيين على الأشخاص الي يعتبرونهم أقل شأنا منهم .
نمط المهندس INTJ غير معبرة عاطفيا
نمط المهندس INTJ بتسترشد بالتفكير المنطقي ، وتبحث عن الحقائق مش العواطف.
مشهورين بانخفاض معدل الذكاء العاطفي ،وعدم رغبتهم في التعبير عن مشاعرهم .
بيكفحو علشان يفهمو احتياجات غيرهم العاطفية ،وده ساعات بيخليهم يسبو مسافة بينهم وبين الناس .
بتتجاهل الأشخاص الي بتحركهم مشاعرهم إلي أقصى حد وكمان بتنظر لهم على أنهم غير منطقيين واقل شئن .
حتى في العلاقات ، بيشعرو بالحيرة عند التعبير عن مشاعرهم وغالبًا بيظهرو الرعاية بطرق بديلة.
نمط المهندس INTJ و التوقعات العالية والسعي للكمال
نمط المهندس INTJ عندها توقعات عالية من أنفسهم ومن الي حولهم تصل لدرجة الكمال دي ممكن تكون نقطة قوة ولكن برضو ممكن تكون نقطة ضعف .
ولما مش بتتحقق التوقعات دي، بيصابو بالإحباط ، وخيبة الأمل ،وبينتقدو نفسهم و الي حولهم انتقاد شديد .
نمط المهندس intj مستقل للغاية
الاستقلالية لها مزاياها ،بس لما بتقف في طريق التعاون وتبادل الأفكار ، بتكون عيب .
نمط المهندس INTJ بيعتقد أنه إذا قام بالمهمة بنفسه هيتم إنجازهم بالكامل.
غير كده ، بيشك جدا لو اتحمل المسؤولية شخص غير في قدرته علي إنجاز المهمة .
نمط المهندس INTJ منطوي جدا
من بين جميع الانطوائيين أصحاب نمط المهندس INTJ ، هما أكثر ناس بيحتاجو في معظم الوقت الي الخصوصية ، بعيدًا عن تأثير العالم المحيط ، بيميلو إلى اختبار وتجربة أفكار أو مفاهيم جديدة و جعلها تتحقق ، لذلك مش بتختلط مع أشخاص آخرين .
نمط المهندس INTJ بتتجنب التجمعات غير الرسمية
بما ان اسمهم العقول المدبرة فديما بيحبو مناقشة الأفكار الكبيرة.
بس لما بيتعلق الأمر بالتفاهات والدردشة اليومية ، فبينظرون لها باحتقار وبيتجنبونها بأي ثمن.
على الرغم من أن ده مش سلبي ، إلا أن في الحقيقة سبب مش بيخلي أصحاب شخصية المهندس يشاركو في الأحداث والتجمعات العائلية.
التوازن مختل عند نمط المهندس INTJ
اصحاب نمط المهندس INTJ بيكرسو نفسهم تماما لحياتهم المهنية ،لكن بيدفع. الثمن غالي لان الوقت الي ممكن يقضوه مع اسرتهم وعلاقتهم مع الاصدقاء والعائلة او حتي يقضيه كا وقت فراغ يستمتع بيه ،لكن اولويته ديما الشغل.
ونتيجة لده بيواجه مشاكل في علاقاته ،اه جده في شغله بيؤتي بثماره ،لكن بياثر سلبيا علي باقي جوانب حياته .
مافيش حد معصوم من الخطأ ،على الرغم أن أغلب أصحاب شخصية المهندس بيسعو جاهدين لتحقيق الكمال.
هما طبيعتهم كده بيحطو معايير عالية بشكل لا يصدق ده العادي بتاعهم .
بين ذكائهم الفطري وتفكيرهم المنطقي ، و ثقتهم العالية في نفسهم ، لكن زيهم زي اي نمط شخصية أخري بيحتاجو لى إيجاد توازن مناسب علشان يعززو نقاط قوتهم ويعالجو نقاط ضعفهم بحكمة.
ازاي نعزز نقاط القوة أو المميزات لنمط المهندس INTJ .
- حلل من غير إفراط في التفكير .نمط المهندس INTJ بيحلل كل الي بيقع في دوامة أفكارهم.
اوقات بيميلو أنهم يركزون في حاجات صغيرة في كتير من الأوقات لدرجة أنهم بينسو الصورة الأكبر.
اتعامل مع أي موضوع بشكل حدسي بس من غير تجاهل وقت فراغك أو طاقتك انت انسان مش خارق ولا ألي .
- دور علي مكانك في المجتمع.
غالبًا بيشعر العديد من أصحاب نمط المهندس INTJ
أنهم جاين من كوكب تاني لأنهم نادرًا ما يصادفو ناس فاهمين حقيقة شخصيتهم .
ومع ذلك ، بدلاً من التقوقع في العالم بتاعهم ، لازم يبحث أصحاب نمط المهندس Intj عن شخصيات مشابهة لهم ولازم يحولو أنهم يشوفو المميزات في الشخصيات الأخري في ١٥ شخصية أخري غير شخصيتك عندها مميزات كمان ولولاهم الكوكب يختل .
- عزز تألقك في محيطك من غير ما تظهر أنك متعجرف .
اصحاب نمط المهندس INTJ مبدعون جدا وديما بيشوفو وبيفكرو خارج الصندوق ومعرفين بتفردهم .
ومع ذلك ، هما غالبًا ما بيكونو منغمسين داخل نفسهم لدرجة أنهم مش بيهتمو بصدق بالطريقة الي بيظهرو بيها للمحطين .
لذلك ، بيتركو انطباع سلبي بأنهم متعجرفين وغير ودودين ، حتى للأشخاص الي ممكن يساعدهم ويدعمهمو افكارهم .
لو اظهر أصحاب نمط المهندس INTJ حبة من التسامح و شوية صبر ، وتخلو عن توقعاتهم العالية فهيقدرو يحصولو بسرعة على تعاطف المحطين .
-حاول التواصل مع مشاعرك.
مش معني أن أصحاب نمط المهندس INTJ منطقين انهم ناس بدون قلب ولا عاطفة .
بس هما بيحتاجو أنهم يتعملو مع مشاعرهم بنفس التفهم زي ما بيتعاملو مع أي مسألة ثانيه في حياتهم.
كيف تقلل نقاط ضعف شخصية المهندس INTJ .
- إيجاد التوازن .
ببساطة نمط المهندس INTJ مدمنين العمل و بيستهلكو وقتهم وطاقتهم تمامًا في عملهم ، خاصةً إذا كان هذا مشروعً مميز .
ومع ذلك بغض النظر عن مدى الروعة الي ممكن تظهر لاصحاب الشخصيات الأخري إلا أن اصحاب نمط المهندس INTJ محتاجة أنها تركيز على رفاهيتهم و علي رفاهية الأشخاص الذين يهتمون بهم. و ده يعني اخذ قرار واعي للنظر بصدق في الأجزاء الأخرى من حياتهم ، مش فقط العمل والدراسة .
- توقف عن البحث عن حل لكل مشكلة .
الميل الطبيعي لاصحاب نمط المهندس INTJ هو محاولة إصلاح أي شيء ، من المشاكل إلى الناس.
عن طريق تحليل الموقف ، وتحديد التناقضات ، ووضع أنفسهم في مهمة لإيجاد حل مثالي.
ومع ذلك ، يجب أن يدرك أصحاب نمط المهندس INTJ أن مش لازم تتحل كل مشكلة فوراً، و مش لازم نصلح كل شخص.
لذلك ، يجب على أصحاب نمط المهندس INTJ توخي الحذر عند اتخاذ قرارات مفاجئة ومراعاة الظروف أيضًا.
-السيطرة على أعصابهم
ممكن بسهولة أن يصاب أصحاب نمط المهندس INTJ بالإحباط لأن افتقارهم إلى التسامح مع الأشخاص والمواقف المتواضعة بيكون شديدًا جداً.
في بعض الحالات يمكن أن يفقدوا أعصابهم ، مما يؤدي إلى صراعات خطيرة.
ومع ذلك ، يتمتع أصحاب نمط المهندس INTJ بالمنطقية والتحليل وهما ممتازين بيهم ممكن أن تمنعهم من التعامل باندفاع ، حتى في المواقف الشديدة.
لذلك ، بدلاً من التركيز على الموضوع الي ازعجهم، بننصح أصحاب نمط المهندس INTJ بالانسحاب والتصرف بأفضل ما في وسعهم من الناحية المنطقية والتحليلية.
-اعرف أن القواعد لها هدف .
رغم أن نمط المهندس INTJ مشهورون بالالتزام بالقواعد ، إلا أنهم كتير مش بيفهمو هدفها وبيكون بحاجة إلى فهم أن دي هي الطريقة الوحيدة لضمان مجتمع وظيفي.
لذلك بغض النظر عن مدى عدم منطقية بعض القواعد ، لازم نشجيع أصحاب نمط المهندس INTJ على فهم الغرض الأوسع والعمل وفقًا للقواعد.
تقليلل نقاط الضعف ل المهندس INTJ وطريقة التعامل معها
و أخيراً
نحب نضيف أن لما يعرف الشخص نقاط قوته وضعفه ، فده هيخليه يقدر يعمل تصحيح ذاتي لشخصيته ويستغل نقاط قوته ويستفيد منها استفادة قصوي .
لذلك ، لما يعرف أصحاب نمط المهندس INTJ مواهبهم ومهاراتهم ، هيوجهو أفعالهم ونواياهم إلى أهداف محددة جيدًا من غير تشتيت انتباههم .
لازم يستوعب أصحاب نمط المهندس INTJ كل نقاط قوتهم وذكائهم وبكده ممكن الاستيعاب يساعدهم على التميز. إذا كرسوا أنفسهم للتحسين من نقاط ضعفهم ، هيتمكنو من الحصول بسرعة على كثير من التعاطف والدعم المجتمعي .
وده يعني أنه بدل من الإفراط في النقد ونفاذ الصبر والغطرسة ، يمكن لـ أصحاب نمط المهندس INTJ العمل على نقاط ضعفهم المحسنة ومحاولة فهم الآخرين.
ولما يشوف أصحاب نمط المهندس INTJ تميزهم علي انه منحة وهدية من ربنا مش عند كل الناس ده هيخليهم يتقبلو الآخرين ويتوقفو عن النظر إلى الأشخاص المختلفة أنهم أدنى منهم ، كده حياتهم هتكون أكثر منطقية.
مشاهير نمط المهندس INTJ
هيلاري كلينتون ، ستيف هاوكينج ، إسحاق نيوتن ، أرنولد شوارزنيجر ، جين اوستن ،بيل جيتس ، مارك زوكربيرج
هوايات نمط المهندس INTJ
القراءة ، ألعاب الفيديو و أجهزة الكومبيوتر ،الرياضة الفردية زي العدو أو السباحة .
أنمي من نمط المهندس INTJ
تسوكيشيما كي من Haikyuu ، راي من The Promised Neverland، هندريكسون من الخطايا السبع المميته ، لولوش لامبروج من code Geass ، كورابيكا من Hunter X Hunter ، نيجي هيوجا من naruto ، ميرلين من الخطايا السبع المميته
وبكده نكون خلصنا كلامنا عن نمط المهندس INTJ لو ده نمطك شاركنا في التعليقات ،لو لسه ما تعرفش نمطك ادخل موضوعنا عن مؤشر مايىز بريجز هتلاقي نصائح لاجراء الاختبار ولينك الاختبار
واستنونا في الموضوع الجاي في Ruknowledge مع السلامة .
تعليقات
إرسال تعليق