10 عادات تستنزفك تخلص منها في 2021

السلام عليكم ورحمة الله وبركاته.

اهلا بيكم معانا في مدونة Ruknowledge (ركنوليدج).

النهارده موضوعنا عن 10عادات بتستنزفك نفسيا وجسديا، لازم تتخلص منها بسرعة علشان تزود نشاطك وانتاجيتك.

1- القلق علي أشياء لا يمكن تسيطر عليها

في الأيام دي ومن اول ما بدات ازمة كورونا واحنا قلقنين ديما، الي قلقان من الاصابة، والي خايف علي اهله، والي خايف علي رزقه، بس احنا فعلا قلقنين من حاجات لا يمكتنا السيطرة عليها، ما تقلقش علي حاجة انت مش في استطاعتك تغيرها ووفر طاقتك، اعمل الي عليك فقط وسيب الباقي علي ربنا.

-2- المثالية الزائدة  في كل شئ.

مش عايز تسلم مشروع خلصته لانك حاسس انه مش برفكت في شئ ناقص، المثالية الزائدة  هتاخرك، لو هو مثالي بتسبة 95٪ علشان توصله ل 100٪ هياخد منك وقت ومجهود اكتر من المجهود والوقت الي بذلته من البداية، فتقبل ان الكمال لله وحده، لو انتظرت عشان كل حاجة تكون كاملة ومثالية فمش هتنجز اي شئ في حياتك بالإضافة للانهاك والجهود الي هيكرن علي الفاضي.

3-حدودك النفسية المتاحة والمباحة.

فلان متعصب يجي يحكيلك فينقلك احساسه، فلان متوتر فينقلك توتره، وهكذا وانت قاعد تسمع لده وده وزي الاسفنجة تمتص مشاعرهم، اخر اليوم انت عصبي متوتر زهقان ولو بصتلها هتلاقيها مش مشاعرك اصلا.

اول حاجة تعملها انك تبعد عن الشخصيات الي ديما تشكي ووقت ما انت تعوز تشكلهم هما بح مش موجودين.

كمان لو نفسيا مش قادر تسمع اطلب بلطف انك مش قادر تسمع.

و لما تسمع ما تدخلش بكل مشاعرك جوا الحكاية حول ديما تكون واعي لمشاعرك.

4- مساعدة شخص رافض المساعدة.

مثال لقيت واحد بيشيل حاجات فعرضت عليه تشيل معاه رفض، فتطوعت انت ورحت واخد حاجات منه تشلها، هو اتأفف وبقي مضايق من مساعدتك، وكمان انت فقدت جزء من طاقتك بدني بسبب الجهود ونفسي بسبب انك ما اتشكرتش حتي علي جهدك ده، فبلاش تساعد حد هو رافض مساعدتك و وفر طاقتك.

5- قرائة ما بين السطور.

فلان كان علي معاد معاك واعتذر، فتفضل انت تحلل هو اعتذر ليه يا تري ضايقته، يا تري ما بقاش راغب في صداقتي، فلان اتكلم بطريقة ما حستها مش طبيعته فتقعد تفكر وتحلل، فبلاش تحلل كتير  لان ببساطة ممكن يكون شئ خاص بيهم وما تخدش الموضوع بشكل شخصي.

6- الاشخاص اللي بيقللو منك ومن عزمتك.

ابعد عنهم فورا، ديما خلي اصدقائك والناس الي حوليك الي قبلينك زي ما انت، ممكن ينصحوك تغير شئ سلبي فيك لكن هما هيفضلو معاك لو ما اتغيرتش.

7-الأعمال الغير محببة لنفسك.

كلنا عندنا مهاهم غير محببة لنفسنا، شغل واجبات ، دراسة وهكذا طبعا مش هقولك طبعا الغي كل ده لانه مستحيل، لكن اوجد لنفسك وقت فاضي مارس فيه هواية محببة لنفسك اشحن بيها طاقتك الي بتستنزف بالاعمال الغير محببة.

8- الحياة الكسولة واهمال الرياضة.

جسم الإنسان مش مهئ للراحة اصلا، لكن اسلوب حياتنا الحالي كسول جدا، الاسانسير والعربيات والاشغال المكتبية فمبقناش نتحرك، فلازم نتحرك حتي لو 10دقايق مشي يوميا ده هيزود طاقتك، وهيقلل توترك، وهيزود الاندروفينات في الجسم الي بتخلينا نحس اننا مبسوطين، كمان هتحافظ علي صحتنا علي المدي الطويل.

9- العيش في الماضي.

مثلا قاعد افكر اه لو عملت كذا، في مثل مصري بيقول كلمة يا ريت ما تعمرش بيت، الماضي مش هيتغير فبلاش تعيش فيه مش هتستفيد غير استنزاف طاقتك ومشاعرك وبس، ركز في الحاضر خليه بأفضل صورة ممكن يكون بيها بدون مثالية طبعا.

10- محاولة ارضاء الناس.

ديما تقدم خدمات، ديما تسمع مش بتعرف ترفض طلب لحد حتي لو هيجي علي صحتك ووقتك، وحتي لو وقتك ده وقت راحة، فكر اولا بنفسك اشحن وساعد نفسك اولا وبعدين ساعد الناس ما تحولش ترضى الناس لانها مش هترضي ديما ارضي ربنا، وساعد الناس طبعا بس مش علي حساب نفسك لان لو طاقتك خلصت لا هتعرف تفيد الناس ولا تفيد نفسك.

وهنا يكون خلص موضوعنا شارك معانا لو عندك عادات سيئة من الي عرضناها او غيرهم محتاج انك تغيرها. 

لو اول مرة بتشوف مدونة Ruknowledge (ركنوليدج )، شوف المواضيع اللي فاتت هتعجبك باذن الله، وما تنسوش موضوعتنا بتنزل كل يوم سبت وثلاثاء من كل اسبوع، مع السلامة.