السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
كلنا حاليا قاعدين في البيت و متوترين وفي منا كتير بيعاني ومش عارف يذاكر.
النهارده هيكون موضوعنا نصائح للمذاكرة، هيكون متقسم لقسمين، الاول هيكون للمامي او المسؤل عن مذاكرة الطفل من كي جي وان للصف السادس الابتدائي مثلا.
الثاني هيكون نصايح للمذاكرة للأولاد الكبار لان في العمر ده دور الام إشراف عليهم او للمساعدة ان احتاجوها
اولا نصائح المامي او المسؤل عن الطفل لمساعدة اطفالها في المذاكرة من كي جي للصف السادس الابتدائي .
1- الأطفال بتحب الروتين جدا وبترتاح فيه اعمل جدول للمذاكرة وعرفه اليوم الي قبله احنا هنذاكر مادة كذا بكرة بعد الفطار وكذا بعد الغدا.
2- قبل ما تذاكر لطفلك حضر الدرس وافهمه عادي جداً تكون حاجات نسيناها ومحتاجين نراجع عليها تاني علشان ما ترتبكش امام الطفل.
3-لو المدرسة بتاعت ولادك بتقدم محاضرات اون لاين اسمعها معاهم، او جروبات الفيس بوك دور عليهم وانضم هتكون مصدر كويس للتحضير للمذاكرة، كمان جوجل واليوتيوب ولو هتدور مثلا علي جوجل او اليوتيوب ممكن تدور بطريقة محددة زي مثلا شرح الدرس الاول لغة عربية اولي ابتدائي، او تدور علي جزء معين زي مثلا طريقة سهلة لشرح اللام الشمسية واللام القمرية.
4-دور علي طرق جديدة للتعلم زي الاغاني، او الرسومات والقصص، لو هنكتب كلمات انجليزي ممكن نكتبها ببازل، وممكن نستخدم كروت الذاكرة كمان كارت الذاكرة بيكون عبارة عن وجهين واحد في رسمة مثلا سمكة والوجه التاني فيه الكلمةFish ، الكلمات الي مطلوبه مننا شفوي هفرج الطفل الرسمة يقول اسمها نقلب الكارت، الكلمات المطلوب حفظها هفرجه الكلمة يقراها نقلب الكارت وهكذا.
وممكن نعملها لعبة زي انه لو جاوب خطأ هاخد الكارت لو جاوب صح هعطهوله وفي الاخر نعد الكروت ونشوف مين كسب.
والماث او الحساب نعد حبوب مثلا وهكذا النت مليان أساليب غير تقليدية للشرح.
4- اطلب المساعده لو ام شاطرة في مواد و الاب في مواد تانية يبقي نقسم بينا او حتي لو صديق او خال خاله عم عمه الي يقدر يساعدنا ما نخجلش ونطلب منه المساعدة سواء يشرح لنا واحنا نشرح للطفل او يشرح للطفل علي طول.
5-وكرر ديما الي هو ضعيف فيه ممكن نعمل نوت بوك نكتب فيها الي هو ضعيف فيه ووقت بيلعب مثلا نسال سؤال منهم 5ثواني يفكر ونعطي الاجابة مع التكرار في اوقات مختلفة هيفتكر، وهيعوز يفتكر بسرعة علشان ما تجوبش انت ومن وقت للتاني نعطيه اسئلة هو شاطر فيها علشان نحمسه ونسقف له لما يجاوب صح طبعا .
6-خالي ديما لجوء للدروس الخصوصية حل اخير ولو فشلت انت بكذا طريقة شرح، والفشل هنا معناه ان الطفل بيحصل باقل من 50٪ لو اكثر كمل انت اليوم في العمر ده بيفرق في الاستيعاب.
نصائح المذاكرة لطلاب إعدادي وثانوي.
1-خطط لمذاكرتك وحط جدول وركز فيه ديما علي المواد او الوحدات الي انت ضعيف فيها.
2-اختار منطقة هادية بعيد عن الدوشة والمشتتات زي التلفزيون او الموبيل ولو بتستخدم النت في المذاكرة الأفضل تذاكر علي كومبيوتر او لاب توب لو مافيش غير الموبيل اقفل النوتفكيشن بتاعت السوشيال والألعاب واي حاجة ممكن تخرجك عن هدفك.
3-اي حاجة ممكن تحتاجها أثناء المذاكرة خليها جنب من قبل ما تبدأ وممكن تعمل Check List يعني مثلا هحتاج في الماث الة حاسبة كتاب المدرسة والمذكره ولو انت عامل ملخص والنوت بوك الي بتذاكر فيها القلم الرصاص والجاف المسطرة والمثلث اي حاجة ممكن تحتاجها لكل مادة اعملها Check List وأبدأ جمع حاجتك والي تجمعه حط علامة صح قصاده بالرصاص علشان ما تعملش Check List لكل مرة يكفي تمسح العلامة وتستخدمها تاني، وفي حل تاني انك تغلفها حراري وعلم بمركر المركر بيتمسح بماية وكمان عمر Check List هيكون اطول.
4-حدد وقت المذاكرة بوقت صحيح وخليك واقعي وحط من 5ل 15 دقيقه طوارئ يعني مادة بتاخد مني ساعة مذاكرة ما احطش ساعة الا ربع ابدا هتحبط هنحطها ساعة وربع ليه احتاجت تصلي تريح عنيك تشرب ماية يكون محسوب ومايعديش الوقت ولسه ما خلصتش.
5- خد استراحة يعني بن مادة ومادة ممكن ربع ساعة تعملك كوباية شاي وبين كل مادتين خد نص ساعة بس خليك صادق مع نفس النص ساعة تخلص اقفل الي بتعمله حتي لو الحيم لسه في اوله، من حقك تستريح انت مش روبوت بس بلاش تدخل زون الدلع علشان ده ثقب اسود لو دخلته مش هتطلع.
6- لو الأجزاء الي بتقف فيها كتير اكتبها في نوت بوك غير الي بتذاكر فيها علشان لما تقف وتجيب النوت بوك وتقراها مرة علي مرة هتثبت لان ده بيحفز المخ زيادة، كمان الحث علي معلوماتك بنفسك اولا سؤال وقفت فيه دور انت علي الإجابة الاول ده هيخليك تفهمها وتحفظها اسرع، لو فشلت اطلب مساعدة.
7- راجع ديما مراجعة سريعة في نهاية المذاكرة، وحل اسئلة ديما علي كل الي درسته لحد ما وقفت.
هنا يكون انتهى موضوعنا النهارده بالتوفيق للجميع.
لو اول مرة بتشوف مدونة Ruknowledge (ركنوليدج )، شوف المواضيع اللي فاتت هتعجبك باذن الله، وما تنسوش موضوعتنا بتنزل كل يوم سبت وثلاثاء من كل اسبوع، مع السلامة.
تعليقات
إرسال تعليق