السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
جهزو نفسكم بقي علشان النهارده هخدكم للبحر، موضوعنا عن مثلث برمودا.
هنعرف مساحته وسبب تسميته، بعض الحوادث، والتفسيرات المقترحة للحوادث دي.
مثلث برمودا( او مثلث الشيطان) موجود في شمال المحيط الأطلسي، مش معروف حدوده بالظبط، بس الي المعظم متفق عليه عليه انه حدوده ولاية فلوريدا (ميامي) و بورتريكو و جزيرة برمودا والثلاث نقط دول لو وصلناهم ببعض هيعملو شكل مثلث متساوي الأضلاع، وعلشان كده اتسمي مثلث برمودا، مساحته حوالي ٥٠٠٠٠٠ ميل مربع.
اول حد اتكلم عنه كان كريستوفر كولومبوس وهو بيستكشف العالم الجديد، قال ان حصل نشاط غريب في البوصلة في المنطقة دي وكمان شاف نار نزلة من السماء للمثلث وقال ان ضوء النار دي استمر ايام،
اول حد اطلق عليه اسم مثلث برمودا كان الكاتب الأمريكي فينسنت جاديس عام ١٩٦٤، في مقال له.
ورغم كلام كولومبوس عنه الا انه ما لفتش الانظار غير بعد اختفاء سفينة شحن تابعة للقوات البحرية الأمريكية اسمه يو اس اس سايكلوبس سنة ١٩١٨ وكان علي متنها ٣٠٠ شخص تقريبا، وتعتبر من اكبر حوادث الفقد في البحرية الأمريكية، القبطان بتعها ما بعتش اي استغاثة وفاجئة اختفت وما ظهرش حطام لها حتي.
و من الحوادث الي عملة ضجة كان اختفاء ٥طائرات تابعة للبحرية الأمريكية سنة ١٩٤٥ كانو طالعين في تدريب روتيني عادي، قائد الرحلة تشارلز تيلور قال في الرديو (نحن ندخل المياه البيضاء، لا شئ يبدو علي ما يرام، لا نعرف أين نحن، الماء أخضر لا ابيض) واختفت ال٥طائرات المعروفين بالرحلة ١٩ ب ١٤رجل ما ظهرش منهم اي حطام، البحرية الأمريكية سجلت الحادث بانه غير معروف السبب.
ومن الالغاز المحيرة كمان اختفاء مراكب اختفت وظهرت بدون الطاقم بس كل حاجة فيها زي ما هي زي ماري سيليست و الين أوستن و كارول ايه ديرينج و ويتشكرافت.
كمان جوشوا سلوكوم كان اول رجل يبحر وحده حول العالم وكان بحار ممتاز، اختفي في ظروف غامضة سنة ١٨٩٥، اتنسب اختفائه الغامض لمثلث برمودا.
اختفي في المنطقة دي طائرات صغيرة و سفن كتير يقال انها مش اقل من ٥٠ سفينة و ٢٠ طائرة وكلها في ظروف غامضه
اخرهم سفينة في ٢٠١٥ وطائرة صغيرة ب محركين في مايو ٢٠١٩.
وعلشان كده ظهر تفسيرات بتخمن ايه موجود في المنطقة دي،
زي ان تحته بوابة الجحيم والي بيعدي عليها بيدخل فيها، او الكائنات الفضائيه بتخطفهم ، او ان في نفق زمني، او ان قارة اتلانتس غرقت تحت مثلث برمودا وبتأثر علي السفن والطيارة وتغرقهم.
لكن العلماء ما اقتنعوش بالتفسيرات دي طبعا وظهرت تفسيرات علمية
زي ان المنطقة دي بيحصل فيها تيار ماشى مع عقارب الساعة وتيار عكس عقارب الساعة ده بيعمل دومات وبتغرق السفن. او ان في قوة مغناطيسية هي الي بتخلي السفن والطائرات تفقد السيطرة وتغرق، او امواج عاتية بتوصل طولها ل ١٠٠قدم ، واخيرا غاز الميثان الي بيكون متجمد في قاع المحيط بيخرج علي السطح بيعمل انفجارات و بتوقع الطائرات وتغرق السفن.
لكن البحرية الأمريكي بتقول ان المنطقة مفهاش حاجة غريبة وان الحوادث الي بتحصل فيها نفس عدد الحوادث الي بتحصل في أي مكان ثاني في العالم.
وهنا تكون انتهي موضوعنا، وفي الاخر هقلكم ان مش الي بيحصل في منطقة مثلث برمودا بس الي غامض، احنا معرفتنا ب المحيطات و البحار الي بيمثلو معظم كوكبنا ورغم كل التقدم العلمي الي وصلنا له ورغم اكتشفنا للفضاء الا ان احنا معلومتنا تكاد تكون سطحية جدا عن اعماقهم والي موجود جواهم .
يا ريت تقولونا رأيكم في كومنت سواء ايجابي او سلبي، ولو عجبكم الموضوع اعملو شير مع اصحابكم.
وما تنسوش تدويناتنا بتنزل كل يوم سبت وثلاثاء من كل اسبوع، نشوفكم على خير سلام.
تعليقات
إرسال تعليق