السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
النهارده معانا شخصية من علماء المسلمين، هنتعرف علي مكان ولادته ووفاته، الي وصل لينا عن حياته و سيرته الذاتية، و اهم اعماله، معانا أبو علي الحسن بن الهيثم البصري.
اتولد ابن الهيثم في البصرة ( العراق) عام ٩٦٥، واتوفي في القاهرة ( مصر) عام ١٠٤٠.
معروف ابن الهيثم في الغرب بالاسم اللاتيني( alhazen)اتولد بن الهيثم في العصر الذهبي للحضارة الإسلامية، في وقت انتشرت الاكتشافات العلمية المبنية،علي علوم الحضارات القديمة، زي معظم علماء عصره في بداياته درس علوم الدين، ولكن بعد كده كرس نفسه للرياضيات والمواضيع الأكاديمية الي وجدها في كتابات ارسطو ، كان مهتم بالرياضيات والهندسة و علم البصريات، اثرت أفكاره علي العلماء الاوربيين و علي عصر النهضة الأوربية.
عين وزيرا للبصرة والمنطقة المحيطة بيها وبعدين ترك الوزارة وقرر يكرس نفسه للعلم فقط ، ولكن لما سمع الخليفة الحاكم بأمر الله الفاطمي اقتراحة لتنظيم جريان نهر النيل من اعلي الي أسفل، فعينه علي راس فريق من المهندسين لتنفيذ المهمة دي.
ولكنه ما عملش السد، في روايتين عن عدم بنائه للسد،
الأولى انه لما شاف حضارة المصرين القدماء قال لو كان المشروع ممكن تنفيذه كان المصرين القدماء نفذوه.
الثاني انه رأي ان فكرته ممكن تضر بعض الناس فا ما نفذهاش.
رجع للحاكم بأمر الله مثل عليه الجنون، علشان يأمن عقابه، ورغم ان الحاكم بأمر الله كان قاسي جدا في أحكامه، الا انه امتثل لأوامر الدين الإسلامي بان فاقد العقل لا يحاسب علي أفعاله، وتم وضع بن الهيثم في بيته تحت الإقامة الجبرية علشان ما يضرش حد لانه فاقد العقل.
وفي الوقت ده اشتغل ابن الهيثم علي اهم انجازته وهو كتاب المناظير مكون من ٧ مجلدات، كتابه ما كنش قايم علي مجرد فرضيات ولكن علي التجارب العلمية، الفضل لابن الهيثم في شرح طبيعة الضوء و الرؤية، واثبت كلامه بتجربة سماها البيت المظلم، واترجمت في الغرب للكاميرا المظلمة.
بعد إختفاء الحاكم بأمر الله، خرج ابن الهيثم من الاقامة الجبرية بعد تقريبا ١٠سنين، وقام ب استعراض كتابه وتجربته.
ابن الهيثم كتب حوالي ٩٦ كتلب ولكن الي وصل لينا منهم ٥٥، كتب عن ضوء القمر، و ضوء النجوم، وانكسار الضوء في المرايا، وكتب في علن الفلك والرياضيات والهندسة و نظرية الاعداد.
ابن الهيثم هو السبب في ان العلماء من بعده يحولو يثبتو فرضياتهم بتجارب عملية، لانه كان بيستخدم المنهج العلمي لإثبات نظرياته.
عاش الي مماته في القاهرة بجانب الازهر الشريف، في بعض الأقوال انه عاش في سوريا، ولكن الأقرب للحقيقة انه سافر الي العراق وسوريا ورجع القاهرة تاني الي ان توفاه الله عن عمر ناهز ال ٧٥عام.
وهنا يكون خلص موضوعنا، لو عجبكم الموضوع شير مع اصحابكم، ولو اول مرة بتزورالمدونة شوفو موضوعتنا السابقة، وقولنا رايك في التعليقات.
و ماتنسوش موضوعتنا بتنزل كل سبت وثلاثاء من كل اسبوع، نشوفكم الموضوع الجاي، مع السلامة.
تعليقات
إرسال تعليق