السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش بيعتمدو علي اي شخص في حياتهم ، الأولوية الأولي عندهم الشغل
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
النهارده موضوعنا من المثيلوجيا اليابانية كنا اتكلمنا قبل كده عن كوتشي ساكي أونا شخصية من الفلكلور الياباني، اليوم هنتكلم عن مخلوق الكابا الاسطوري في المثيلوجيا اليابانية.
الكابا ( طفل النهر) وحش اسطوري يسكن الانهار والبحيرات حجمه تقريبا حجم طفل عمره 10سنوات، لكنه قوي لدرجة انه ممكن يصارع مصارع سومو ويهزمه والهزيمة هنا يعني الموت ، شكله شبه البشر والزواحف، عنده ايدين ورجلين زي البشر،راسه في تجويف جواه ماية، عنده منقار زي البطة، وجهه يشبه القرد، جلده أخضر او ازرق او اصفر يشبه جلد الضفدع وعليه حراشف ، ايده غير متصلة بجسمه ممكن تتخلع يعني.
الكابا عنده قدرات خارقة بس هو بيستخدمها في الاذي، ممكن مقالب غير مؤذية زي اصدار اصوت زي صوت غازات البطن، ان سرقة كيمونو من النساء وهما بيستحمو في الانهار، وممكن تكون مؤذية زي انه عنده قدره انع يقلب الإنسان ( زي بالظبط ما تقلب تيشرت علي ظهره) وياكل أعضائه الداخلية، او ياكل أطفال، او يغرقهم.
علي الرغم ان المعظم شايف الكابا مخلوق شرير، الا ان في بعض الأوراق القديمة فيخا وصفات علاجية مكتوب فيها ان الي عملها الكابا اللطيف.
الاسطورة بتقول ان زمان كان الأهلي الفقراء بترمي ولادها في الانهار، اوكمان كان في وقت محدد بتقف أسر فقيرة علي ضفة النهر والأسر الغنيه علي الضفة التانية، الأسر الفقيرة بتحط ولادها في سلة علشان يوصل للأسر الغنيه فيتم تبنيه، بيقولو ان بعض الأطفال مش بيتم تبنيهم او مش بيوصلو للأسر الفقيرة، وهما دول الي بيتحولو لكابا
الكابا ايده بتتخلع وممكن لو مان معاك إيده ينفذلك اي طلب شرير مقابل انك ترجعله ايده تاني زي انه يغرقلك حد مثلا ، بس لو ما رجعتش ايده فا انت كده حكمة علي نفسك بالموت.
طيب لو رحت اليابان واتمشيت علي النهر وطلعلك كابا تتصرف ازاي، ببساطة انحني له احترام، الكابا محترم لازم هيرد لك التحية وينحني، فاكرين فوق قولنا ان الكابا عنده تجويف فيه ماية الماية دي هي سر حياته لو اتدلقت الكابا بيفقد قوته وبيموت.
وهنا بيكون انتهى الموضوع، لو عجبكم قولو لنا في كومنت، وما تنسوش موضوعتنا بتنزل كل يوم سبت وثلاثاء من كل اسبوع، مع السلامة.
تعليقات
إرسال تعليق