السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
أهلاً بيكم معانا في مدونة Ruknowledge (ركنوليدج).
النهارده زي ما ظاهر في العنوان كلامنا عن طيور الفلامنجو (النحام)، طيور جميلة من اجمل الطيور بلونها الوري ( الي بتكتسبه من اكل الجمبري واليرقات و الطحالب)، ومن اغرب الطيور كمان طيور الفلامنجو بتاكل ورأسها مقلوب، وبتقف علي ساق واحدة، واسباب وقفهاعلي ساق واحدة هو الي هنحاول نعرف سببه في الموضوع ده.
وقوف طيور الفلامنجو علي ساق واحدة حير العلماء وعلشان كده ظهر عدد من النظريات لتفسير السلوك الغريب ده.
اول نظرية كانت ان طيور الفلامنجو بتريح عضلات الساق المرفوعة علشان لو حصل هجوم عليها تجري اسرع.
واتعمل دراسة علشان تنفي او تاكد النظرية دي في أحد حدائق الحيوان الامريكية، المفروض ان سرعة طيور الفلامنجو وهي واقفة علي ساق واحدة تكون الأسرع، ولكن الي حصل كان العكس تم قياس سرعتها وهي واقفه علي ساق واحدة، وسرعتها وهي واقفة علي ساقين، ظهر ان حركتها اسرع وهي واقفة علي الساقين.
النظرية التانية قالت ان الطيور بتفقد كتير من حرارة جسمها عن طريق الساقين، علشان كده طيور الفلامنجو بترفع ساق علشان تقلل فقدنها للحرارة.
واتعمل دراسة على النظرية دي مع النظرية الاولي، فعلا ظهر ان الفلامنجو لما بتكون الماء دافي بتقف علي ساقيها الاتنين لمدة اطول، ولما بيكون الماء بارد بتفضل انها تقف علي ساق واحدة.
بس كمان طيور الفلامنجو غالباً بتعيش في اماكن زي أفريقيا، وأمريكا الجنوبية، و مناطقة البحر الكاريبي، ( موجود قطعان من طيور الفلامنجو في الأردن و السعودية كمان)، ليه هتحاول تحافظ علي حرارتها وهي اصلا في اماكن حارة ودافئة، بس كان الرد انها بتقضي معظم وقتها في الماية فده السبب انها تحاول تحافظ علي حرارة الجسم.
في نظرية ثالثة بتقول ان الفلامنجو زي كتير من الطيور ممكن تنام بنصف دماغ فبالتالي ده رد فعل طبيعي علشان تحافظ علي توزنها.
وفي نظرية رابعة بتقول ان طيور الفلامنجو بتقلل تعرضها لالطفيليات المجودة في الماية علشان كده بترفع ساق.
وأخيراً علماء الطيور بيقولو ان مافيش نظرية متاكدين منها الي الان جايز يكون النظريات المثبته هي الأسباب الحقيقية، وجايز لا، وجايز يكون في اسباب تانية مع النظريات دي.
وهنا يكون انتهي موضوعنا لو عجبكم الموضوع يا ريت شير مع اصحابكم واكتبوا لينا في التعليقات، ولو اول مرة بتشوفو المدونة شوفو موضوعتنا السابقة.
وما تنسوش الموضوعات بتنزل كل يوم سبت وثلاثاء من كل اسبوع، مع السلامة.
تعليقات
إرسال تعليق