السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش بيعتمدو علي اي شخص في حياتهم ، الأولوية الأولي عندهم الشغل
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
النهارده موضوعنا لمحبين القطط، معانا اغرب واجمل ٦سلالات نشئة عن طفرات جينيه في القطط.
قط لابرام (laperm)
قط لطيف حنون جداً بيتميز بفرائه الناعم متوسط لطويل بتمويجة حلوة وغريبة مش بتتفك بالتمشيط ، وزنة من ٣ ل ٦كيلو، وطوله من ١٢ل ١٨ بوصه.
ممكن فرائه يكون باي لون بس الشائع لون الزنجبيل، او بشكل صدفة السلحفاة، وعيونها ممكن تكون باي لون.
متوسط عمرها من ١٠ل ١٥سنة.
ودودة ودها متوسط لعالي، وصدقتها للأطفال والحيوانات الأليفة متوسط لعالي.
ذكائها عالي وشقية جدا ونشيطة وبتحب اللعب، وصعب انها تخربش.
تاريخ قط لابرام laperm
في عام ١٩٨٢ ،في بستان كرز قطة اسمها سبيدي ولدت ٦قطط، كان منهم واحدة لونها بني صلعاء تماما غير باقي اخوتها الي فيهم فراء.
بعد ٤ أسابيع بدأ يظهر لها فراء كان ناعم ولكن مموج، فسموها كيرلي علشان فرائها المموج.
كيرلي كان لطيفة ومطيعة، ولدت كيرلي ٥قطط كانت صلعاء، ولكن بعد ٨ اسابيع ظهر فرائهم المموج الناعم زي امهم كيرلي.
كيرلي وولادها خلفو قطط كتير بشعر مموج لكن عام ١٩٩٢،ليندا صاحبة كيرلي دخلت عرض لمحبي القطط، وكان لازم تسجل سلالة القطة الي دخله العرض، سجلتها laperm، علشان فرائها المجعد الثابت.
قط سلكرك ركس Selkirk rex
قطة متسامحة وودوة، بتتصاحب مع الكل حتي الحيوانات الأليفة، و الأطفال.
فرائها ناعم ممكن يكون طويل وممكن يكون قصير مموج، بس لو مشطه ممكن التمويج يتفك، بعكس لابرام.
فرائها ممكن يجي باي لون، وكمان عيونها.
وزنها من ٣ل ٨ كيلو، وطولها من ٩ل ١١بوصة.
متوسط عمرها من ١٠ ل ١٥سنة.
ذكائها و شقاوتها و طاقتها متوسطة.
تاريخ قط سلكرك ركس Selkirk rex
في عام ١٩٨٧، مربي قطط اسمه جيري نيومان عايش في مونتانا، قطة ضلة لسه مولودة شعرها قصير مجعد كانت هي الوحيدة بشعر مجعد من أخواتها، اخدها رباها وزوجها قط فارسي اسود وجابت ٦قطط، كان ٣منهم مجعدين و ٣منهم لا، وظهر ان جين التجعيد بيتورث من ام وانه جين سائد مش متنحي.
قط كورنيش ريكس corinsh rex
اول ما هتشوفه هتلاحظ الأذنين الكبيرة، و وجهه البيضاوي، و ظهره المقوس ووسطه الرفيع و اقدامه الطويلة، مع تجعيد فرائه.
وزنه من ٣ل ٦كيلو، وطوله ١٨ بوصه تقريباً.
فرائه ناعم وقصير ومموج، والوانه متعددة، ولون عيونه أخضر اوازرق او ازرق مخضر او ذهبي.
متوسط عمره من ١٠ل ١٦سنة.
ودود و صديق للأطفال و الحيوانات الأليفة، شقي ونشيط جدا وذكي جداً، صعب انه يخربش.
ممكن يحصلها حروق شمس علشان فرائها قصير ولازم تحط صن بلوك مخصص للقطط قبل التعرض للشمس.
تاريخ قط كورنيش ريكس corinsh rex
السلالة دي نشأت في الخمسينات واخدت اسمها من منطقة كورنوال، اتولدت اول قط من ام قطة انجليزية قصيرة الشعر ولفتت الانظار بشكلها المختلف عن امها جسمها الرفيع نوعا ما اقدمها الطويلة وفرائها القصير المجعد ابوها كان مجهول.
القطة الكورنيش الاول اتجوزت وجابت ٣قطط منهم ٣بجين متنحي للشعر المجعد اتجوزو من قط سيامي وبورميه و انجليزي شعر قصير.
و تم تصدير من فصيلة الكورنيش ريكس لأمريكا.
بما ان الجين متنحي فمع الوقت الفصيلة دي ما بقتش موجودة في إنجلترا ولكن لسه موجودة في امريكا.
في ١٩٦٤تم الاعتراف رسميا بسلالة الكونيش ريكس.
القط الفرعوني sphynx cat
قطط غريبة بدون فراء تماما وده امر نادر الحدوث في الثديات.
بتحب تقعد في الشمس علشان تدفي علشان ماعندهاش فراء، بس ممكن تصاب بحروق شمس يعني لازم واقي شمس زي الكورونيش ريكس.
وزنهم من ٣ل ٦كيلو، طولها من ١٣ل ١٥ بوصه.
لونها ممكن يكون اسود او احمر او بني او أبيض او لافندر او منك اوتابي، لون عيونه مختلف.
متوسط عمرها من ٩ل ١٥سنة.
ودودة جداً ،صديقة للحيوانات الأليفة حتي الكلاب ذكية جدا وشقية جداً و ونشيطة جداً، قليل ما بتخربش.
تاريخ القط الفرعوني sphynx cat
اتسمت القطة علي اسم ابو الهول بس بدل حرف i في sphinx ( ابو الهول) بقي y.
الازتك القدماء ربو قطط صلعاء، لكن اول ظهور للقط الفرعوني الي نعرفه كان في تورونتو كندا، ظهرت قطة صلعاء من طفرة عشوائيه عام ١٩٦٦ اصخبها حبرها وانتجو منها كتير جدا.
وكانت معروفة باسم القطط الكندية الصلعاء، وتم توردها لأمريكا وناس كتييير حبوها، وقررو ينتجو ذرية منها.
وتم الاعتراف بسلالة القط الفرعوني ف ٢٠٠٥.
قط بامبينو bambino cat
دي سلالة لسة جديدة من القط الفرعوني والقط قصير القدمين، ومش عارفين عنها كتير لسه.
طولها قدم ونص وزنها من ٢كيلو ل ٥ تقريبا.
صلعاء لونها ممكن يكون ابيض او كريمي او بني او اسودلون عيونها ازرق.
متوسط عمرها ١٢سنة.
صديقة للحيوانات والاليفة والأطفال و ودودة جدا.
شقية جداً بس مش نشيطة اوي وذكائها متوسط.
تاريخ القط بامبينو bambino cat
هي سلالة جديدة من عام ٢٠٠٥، اتسمت بامبينو علشان بامبينو بالايطالي يعني طفل وهي شكلها يشبه الجنين لحد كبير.
معترف بيها انها سلالة تجريبية.
قطط الماين كون maine coon cat
القطط اللطيفة الضخمة لو عايز تربي نمر صغير يبقي الماين كون هي الاختيار المثالي لو بتحب الكلاب والقطط يبقي برضو ربي ماين كون لانها قطة بشخصية كلب ،وزنها ممكن يوصل ل ٩كيلو وطولها ممكن يوصل لمتر.
فرائها كثيف وناعم وممكن تجي باكتر من ٧٥ لون فراء.
لون عيونها أخضر او ذهبي او نحاسي
مش ودوة اوي لكنها متالفة مع الأطفال والحيوانات الأليفة.
ذكية جدا وشقية جداً و عندها طاقة عالية جدا.
متوسط عمرها بين ال ٩ل ١٥سنة.
تاريخ قط ماين كون maine coon cat
الاسطورة بتقول انها نتاج عن تزاوج قطة مع راكون، بس الكلام ده مش حقيقي.
بيقال انها انتشرت عن طريق الفايكنج ممكن تكون ناتج تزاوج من قطة امريكية وقط انجورا الفايكنج جبوها علي سفنهم.
الماين كون كانت بتقدم عروض في مهرجانات عروض القطط من عام ١٨٩٥ تقريبا. واختفت بس رجعت تظهر تاني.
وتم الاعتراف بسلالة الماين كون عام ١٩٧٦.
وهنا يكون انتهي موضوعنا النهارده، لو اول مرة بتشوف مدونة Ruknowledge (ركنوليدج )، شوف المواضيع اللي فاتت هتعجبك باذن الله، وما تنسوش موضوعتنا بتنزل كل يوم سبت وثلاثاء من كل اسبوع، مع السلامة.
تعليقات
إرسال تعليق