السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
تخيل تصحي من النوم تلاقي نفسك شايف الدنيا بالمقلوب الي فوق تحت والي تحت فوق وكأنك ماشي علي ايدك مثلا، احنا عيونا فعلا بتشوف الصورة مقلوبة لكن المخ بيعالج الصورة ويخلينا نشوفها صح، تخيل بقي لاي سبب كان المخ ما يعلجش الصورة ونشوف الدنيا مقلوبه.
ما تستغربش هو ده موضوعنا النهارده.
في معهد ماساتشوستس ل التكنولوجيا بالتعاون مع جامعة هارفرد في 2013 ظهرت حالة عجيبه حيرتهم، لبنت صربية بتشوف بالمقلوب.
بوجانا دانيلوفيتش( bojana danilovic ) الخبيرة الاقتصادية في دار بلدية مدينة اوبيتشي في صربيا، بتستخدم الكي بورد مقلوب وشاشة الكومبيوتر مقلوبه حتي نماذج الورق الي بتكتب فيها بتتعمل لها مخصوص علشان بتكتب بالمقلوب و بتقرأ كمان بالمقلوب وكمان شاشة تلفزيون مقلوبة فوق شاشة التلفزيون الي اهلها بيتفرجو عليه.
بوجانا بتقول انا اتولدت كده دي الطريقة الي بشوف بيها العالم.
العلماء قالو ل بوجانا انها بتشوف زينا بس دماغها مش بتترجم الصورة صح، كمان قالولها انهم مش عارفين فين الخلل في دماغ بوجانا الي بيخليها تشوف بالمقلوب.
كمان بوجانا بتقول ان العلماء قالو لها انهم بحثو عن حالات قريبة لها في التاريخ الطبي لكن مالقوش حالة زيها.
وشخصوها بمتلازمة اسمها ظاهرة التوجه المكاني ( Spatial Orientation phenomenon).
في اراء عقبت علي كلام بوجانا وقالو انها عندها ديسليكسيا ( عسر القرأة)، قالو ان في حالات كتير من الديسليكسيا بيقروا من تحت لفوق وبيكتبو من تحت لفوق كمان.
كمان في حاجات كتير مش مفهومة
ان الكلام ديما علي لسان بوجانا لجريدة اسمها سنترال أوروبا نيوز، وبتقي المصادر نقله منهم، ومافيش ذكر لاي من الاختصاصين الي شافو وشخصو الحالة.
كمان انت لو اجبرت نفسك تقرأ بالمقلوب في الأول هتكون مضايق لكن بعد من 8ل 10ايام دماغك هتتعود وهتقرا عادي بالمقلوب، فا ازاي بوجانا اتولدت بتشوف بالمقلوب ولسه بتحتاج انها تقلب الكي بورد او الشاشة المفروض انها اتعودت واتعلمت كل حاجة مقلوبة.
و هي ليه بتقلب التلفزيون والكمبيوتر والكي بورد والموبيل بس، وهي بتشوف كل حاج مقلوبة الاشخاص و العربيات و البيوت، ليه بتقلب دول بس .
و حالة التوجه المكاني هي حالة عصبية بتصيب بعض الطايرين والغوصين بسبب انتقالهم من ظروف جوية لظروف جوية مختلفة في وقت قصير، وبتكون انهم مش عارفين يقفو بشكل مستقيم ولا يحددو مكانهم ونسب قرب او بعد الأشياء عنهم.
وعلشان كده في اعتقاد ان بوجانا تكون مدعية.
المصادر لو عايزين تعرفو الموضوع بتفاصيله 👇👇
وهنا يكون خلص موضوعنا النهارده، لو اول مرة بتشوف مدونة Ruknowledge (ركنوليدج )، شوف المواضيع اللي فاتت هتعجبك باذن الله، وما تنسوش موضوعتنا بتنزل كل يوم سبت وثلاثاء من كل اسبوع، مع السلامة.
تعليقات
إرسال تعليق