السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش بيعتمدو علي اي شخص في حياتهم ، الأولوية الأولي عندهم الشغل
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
النهارده حكايتنا من المثيلوجيا الإغريقية، هنتكلم عن بطل اغريقي، اتحكي عنه في القصيدة الإغريقية الأودسية، وكمان الالياذة، بطلنا النهارده هو أوديسيوس.
هنعرف مين هو أوديسيوس، قصة زواجه، ودوره في حرب طروادة، ورحلة رجوعه لبيته مرة تانية بعد الحرب.
مين هو أوديسيوس.
هو بطل اسطوري اغريقي، ابن لارتيس و أنتكليا، وملك جزيرة إيثاكا.
قصة زوجه.
كان بيحب هيلين بنت تنداريوس ملك أسبارتا، وراح يخطبها، بس هيلين خطبها كانو كتييير، فملك أسبارتا، قال ل أوديسيوس يتعهد انه يكون وفي لهلين وزوجها المستقبلي لو خسر وهيزوجه من بنت اخته بينيلوب ووافق أوديسيوس.
وطلب من كل الخطاب، انهم يكونو أوفياء لهلين و زوجها اي كان، علشان يدخلو المسابقة الفايز بيها هيكون الزوج لهلين .
وعملو زي سحب وخسر أوديسيوس وكسب مينيلوس.
واتجوز أوديسيوس من بينيلوب.
حرب طروادة وادعائه الجنون.
بعد فترة اتخطفت هيلين، خطفها باريس أمير طروادة،
فتم استدعاء كل خطبها الي تعهدو بالوفاء لهلين، وكان بنهم أوديسيوس.
لكن في عرافين قالو لأوديسيرس ان رحلة رجوعه من الحرب هتكون طويلة وهيقابل فيها أهوال وهيبعد عن عائلته سنين.
فقرر انه يتظاهر بالجنون، ولكن تم كشف الخدعة، وحطو ابنه امام جرار كان سايقه أوديسيوس، فانحرف بالجرار علشان ينقذ ابنه، وهنا اتاكدو انه عاقل وراح حرب طروادة بجيشه وكان احد القادة.
راح الإغريق طروادة، و أوديسيوس حل مشاكل كتييير لانه كان متعقل و دبلومسي وذكي جداً.
بعد مقتل باتروكلس، أخيل كان عايز ينتقم ويهاجم مرة تانية رغم ان الجنود كانو مرهقين و جاعنين، وهنا تدخل أوديسيوس واقنع أخيل بالرجوع عن الفكرة واراحة الجنود.
وأشهر انجازات أوديسيوس في حرب طروادة كان خدعة حصان طروادة،
اقنعو الطروادين انهم استسلمو وقدمو لهم هدية وكانت حصان طروادة، الطروادين احتفلو بانتصرهم، وشربو خمور، وفي نص الليل اتفتح الحصان ونزل منه المحاربين الي كانو مختبئين داخل الحصان، وهاجمو الطروادين وانتصرو طبعا.
رحلة عودت أوديسيوس.
أوديسيوس بعد الحرب كان عايز يرجع لأهله ولكن سفينته انجرفت لجزيرة السيكلوبس ( عمالقة بعين واحدة) ، وبدأ عملاق ياكل افراد طاقم أوديسيوس.
لكن أوديسيوس قدر انه يتغلب عليه بانه يعمي العملاق، وبعدين قتله.
العملاق كان ابن بوسيدون ( إله البحر)، وهنا عاقبه بوسيدون بلعنه، انه يفضل تايه في البحر عشر سنوات.
أوديسيوس فضل بيحاول يرجع بيته، و وصلت سفينة أوديسيوس لجزيرة أيولوس او عولس ( إله الرياح)، فقرر يساعده وعطاله شنطة فيها كل الرياح الا الرياح الغربية، علشان تدفع السفينة وتوصلها لجزيرة إيثاكا.
بعد ما وصولهم لشواطئ إيثاكا فتح البحارة شنطة أيولوس معتقدين ان فيها كنز، فدفعتهم الرياح تاني لجزيرة أيولوس ولكن مارضيش يسعدهم مرة تانية.
وفضل أوديسيوس تايه في البحر 10سنين وبعدهم رجع لجزيرة إيثاكا.
رجع الجزيرة بليل ف أثينا ( إلهة الحكمة) قالتلي يتنكر في هيئة متسول علشان يعرف ايه الي حصل أثناء غيابه.
بينيلوب كانت اخبرة كل سكان إيثاكا انها هتتجوز اي شخص يربط قوس، أوديسيوس هي كانت متاكدة ان قوس أوديسيوس ماكنش حد بيعرف يستخدمه غيره.
فاتقدم أوديسيوس وربط القوس فعلا، وهنا كانت مضطرة بينيلوب انها تتجوزه،
فطلبت منه حاجة تانية وهو انه ينقل سريرها من اوضة لاوضة، كان فخ برضو،ف أوديسيوس قال لها مش هينفع لان رجل من ارجل السرير هي شجرة زيتون لسه حية بالتالي السرير ثابت ماينفعش يتنقل.
اتاكدت بينيلوب انه زوجها وانه رجع.
وهنا يكون خلص موضوعنا النهارده، لو اول مرة بتشوف مدونة Ruknowledge.. (ركنوليدج)، شوف المواضيع اللي فاتت هتعجبك باذن الله، وما تنسوش موضوعتنا بتنزل كل يوم سبت وثلاثاء من كل اسبوع، مع السلامة.
تعليقات
إرسال تعليق