السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
كورونا مع الأسف لسه موجود وحاليا في مصر في موجة جديدة بدأت من اخر السنة الي فاتت تقريبا، فالنهارده موضوعنا هيكون عن الحجر الصحي المنزلي .
هيكون متقسم لقسمين الأول تحضير المنزل علشان لو لا قدر الله فرد من الاسرة اصيب يكون المنزل جاهز للحجر الصحي .
الثاني لو فعلا فرد من الاسرة اتصاب بفيروس كورونا.
تحضير المنزل للحجر الصحي .
1- هنقعد مع افراد الاسرة نختار غرفة تكون جيدة التهوية وبيدخلها شمس ويا ريت قريبة من الحمام ( اعزكم الله) او فيها حمام منفصل وتكون الغرفة دي مكان الحجر اذا اصيب فرد لا قدر الله ويا ريت يكون فيها wifi و تليفزيون.
2- هنشتري ترمومتر و علبة كمامات طبية و يا ريت جهاز قياس النبض و الاكسجين في الدم وجونتيات واكياس قمامة وبخاخ ونحطهم في درج في الغرفة الي اخترنا انها تكون للعزل.
3- لو انت أم وعندك أطفال حطي خطة لو لا قدر الله اتصبتي هتطلبي مساعدة من مين في الاكل مثلا والعناية بالأطفال.
4- كل شخص في الاسرة يعمل قايمة بالحاجات المسلية الي ممكن يعملها لو لا قدر الله اصيب ويحضرها في بوكس او يشتريها.
5-كاتل او ترمس علشان المشروبات العشبية الي هتشربها أثناء العزل.
6- علبة براسيتامول وزينك وفيتامين دال من اي شركة ادوية كلهم زي بعض.
7 - دفتر و قلم علشان تسجل فيها كل الي بتمر بيه، ودرجة حرارتك ونسبة الاكسجين، جرعات الدوا وهكذا.
وكده البيت جاهز لاي طارق.
في حالة اصابة فرد ب كورونا هيكون الروتين الأساسي.
1-هتاخد درجة حرارتك والاكسجين في الدم والنبض كل 4ساعات وتدونهم في الدفتر علشان لو لا قدر الله ماكنتش كويسة تروح لمستشفي.
2- هتاخد جرعة من الفيتامين والزنك مرة يوميا، و البراسيتامول كل 6ساعات، او حسب ما الطبيب يقول.
3- اشرب مشروبات عشبية كتير، وكل غذاء صحي ومتوازن وخضار وفواكه طازجة.
4- في فيدوهات علي اليوتيوب للتنفس العميق ممكن تجربها.
5-تحضير محلول تعقيم في البخاخة 50ملي كلور لكل لتر ماية وتنظف اوضتك بيه، كمان لو دخلت الحمام ( اعزكم الله) ترش الحمام كويس والمقابض.
6-اعطس او كح في مناديل ورقية واذا خرجت برا الغرفة اللبس الماسك الطبي، واتخلص من الحاجات دي في كيس قمامة وقبل ما تخرجه وتتخلص منه رشه بمحلول التعقيم.
7 - فاكر قايمة الحاجات المسلية طلعها بقي ده وقتها وسلي نفسك.
وأخيراً ربنا يعافينا جميعاً و يشفي كل مريض اصيب بكورونا او غيرها.
بس بما ان الفيروس لسه موجود لازم نحضر نفسنا لاحتمالات الاصابة.
وهنا يكون خلص موضوعنا النهارده، لو اول مرة بتشوف مدونة Ruknowledge. (ركنوليدج )، شوف المواضيع اللي فاتت هتعجبك باذن الله، وما تنسوش موضوعتنا بتنزل كل يوم سبت وثلاثاء من كل اسبوع، مع السلامة.
تعليقات
إرسال تعليق