Ruknowledge

 السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج). النهارده هنتكلم عن النداهة طبعا كلنا في مصر سمعنا عنها، النداهة في مصر هي بنت فائقة الجمال لابسه فستان أبيض و عينها حمرا و بتطير فوق الأرض مش بتمشي، بتظهر في الليالي الي مفهاش قمر وتنادي باسم شخص معين فيمشي مسحور ورا الصوت تطلب منه الزواج فيوافق تخده العالم السفلى ويختفي، او يرفض فتقتله وتظهر جثته بعد كده في مصرف او ترعة، او تظهر لشخص من غير ما تنادي فيعيش طول عمره مجنون. بس عارفين ان اسطورة النداهة موجودة في كذا بلد.  يلا نروح نشوف حكايات النداهة في البلاد التانية. أم الدويس ؛ ودي النسخة الخليجية من النداهة، وهي ست في غاية الجمال برضو بتغوي الرجال عن طريق رائحة اكلها الشهية،  وبعد ما تقوم بغواية الرجل تقتله علشان خان زوجته، وبعدين تقطعه وتطبخه، وتغوي برائحته وهو مطبوخ رجل تاني. حورية البحر؛ َدي نداهة اليونان ، هي نصفها العلوي انسانة جمالها مذهل ونصفها السفلي سمكة، بتغوي البحارة عن طريق صوتها العذب الي بيخلي البحارة منومين مغناطيسي لدرجة ان ممكن السفن تخبط في صخور وتغرق او البحاره ينزلو الم...

 السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج) .  النهارده هنسيب الأساطير والعلوم ونشوف التاريخ شوية. هنتكلم عن ليونيداس، مين اتفرج على فيلم 300 وانبهر ب جيرارد بتلر وهو عامل دور ليونيداس، بما ان الفيلم متصنف خيال تاريخي تعالو نعرف مين ليونيداس وليه هو من الأبطال الخالدين في التاريخ اليوناني القديم.. ليونيداس كان ابن الملك أناكسندريدس ملك مدينة أسبرطة، كان عنده اخ اكبر غير شقيق اسمه كليومينيس. بما ان ليونيداس ماكنش الكبير فمش هيكون الملك كان بيدرب زي معظم الأسبرطين علشان يبقي محارب هوبليت، وكان بيتجهز انه يبقي قائد ومحارب. بس بعد موت اخوه في ظروف غامضة مع عدم وجود وريث ذكر لاخوه اصبح هو الملك سنة ٤٩٠قبل الميلاد يعني حكم تقريبا حوالي ١٠سنين. في اخر صيف ٤٨٠ قبل الميلاد الجيش الفارسي بقيادة زركسيس قرر غزو اليونان، علشان ينتقم لخسارتهم في معركة ماراثون الي كانت بقيادة داريوس الاول ( ابو زركسيس ) وقتها كانت مدينة أسبرطة وأثينا اقوي مدينتين من مدن اليونان وبسبب أسلوب القتال الفريد لمحاربين سب أسبرطة  قاد ليونيداس جيش متجمع من كل مدن اليونان ال...

 السلام عليكم ورحمة الله وبركاته. أهلاً بيكم معانا في مدونة Ruknowledge ( ركنوليدج) ، النهارده معانا أسطورة من المثيلوجيا الإغريقية. أسطورة نركسوس او نرسيس.  نركسوس ابن حورية جبلية اسمها لاروب و إله الأنهار سيفيستيوس.  نركسوس ابن حورية فطبعا كان جميل جدا، كان كل الي بيشوفه بيتسحر بجماله.  أمه لاروب خافت عليه فراحت لعراف تتنبأ له بمستقبله، العراف قالها ان ابنها لما يشوف جماله وجهه هيموت.  لاروب حرصت جدا ان نركسوس ما يشوف وشه خالص،  كانو بيضربو بيه المثل في الجمال جسم ممشوق وصوت حلو وعيون حلوة ابن حورية بقي.  بس نركسوس كان بيلاحظ انبهار الناس بنات ورجال، في الاول كان بيستغرب ، هو مش عارف ليه الناس مبهورين بيه بس بدأ يتبسط بالموضوع اوي، وكل ما الناس تنبهر بجماله كل ما كان بيزيد كبر وغرور.   نركسوس كان زي كل رجال عصره بيحب الصيد  مرة راح يصيد في الغابة هو وأصحابه وطلع يجري ورا فريسته لحد ما صدها فعلا وقاعد ينادي على اصحابه وهو منتشي بانتصاره لكن مفيش حد بيرد عليه  ونادي انا نركسوس  لقي صوت بيرد عليه بيقوله نركسوس  قا...

 السلام عليكم ورحمة الله وبركاته. اهلا بيكم معانا في مدونة Ruknowledge. النهارده موضوعنا هيكون غريب، تخيل قاعد في مكان و فاجئة تشوف ضوء ازرق خارج من حد قاعد جنبك، تركز شوية بنظرك تلاقي الضوء ده نار، والنار زي ما خرجت فاجئة تتطفي فاجئة والشخص خلاص اتحول رماد. كتير قرينا روايات فيها شخصيات بتشتعل فيها نار مجهولة المصدر وبتتحول لرماد، بس ده خيال الكاتب صح؟ احب اقولك ان لا مش صح، في حوالي 200حالة اتسجلت في سجلات الطب الشرعي علي مدار 300 سنة لحالات اشتعلت فيها النار من جوها بدون اي مصدر خارجي للنار دي، وده الي سموه الاحتراق البشري الذاتي.  اول حالة معروفة لينا هي نيكول ميليت عام 1937، في الاول الشرطة اتهمت زوجها انه قتلها، بس الغريب ان نيكول اتحولت لرماد وما اتبقاش منها غير الجمجمة وعظم اصابعها والغريب ان سريرها الي لاقوها عليه ما اتحرقش غير أجزاء صغيرة جدا منه. الكاتب تمبل تومسون كمان من أشهر حالات الاحتراق الذاتي، اكتشفو انه ميت في بيته جسمه السفلي كله متفحم والغريب ان جسمه العلوي ما اتضررش خالص ولا هدومه ولا أثاث بيته.  الراقصة مابل اندروز كانت بترقص مع حبيبها فاجئة لاقو نا...

السلام عليكم ورحمة الله وبركاته، اهلا بيكم معانا في اولي تدوينات مدونة Ruknowledge (ركنوليدج)  النهارده هيكون معانا قصة من المثيلوجيا الإغريقية ( الأساطير اليونانية)، وكلمة مثيلوجيا يعني علم الأساطير، و بتدل علي المعتقدات الدينية سواء كانت صحيحة او لأ.    قصتنا عن حورية اسمها إيكو.     في الاسطورة اليونانية إيكو دي كانت حورية جبلية ، والحوريات حسب المثيلوجيا هي كائنات انثوية شبه البشر ولكن شديدة الحسن والأنوثة و بيعيشو لمدة طويلة جدا محتفظين بشبابهم، وبما ان إيكو كانت حورية جبلية فهي كانت بتعيش في الجبال والوديان.  إيكو كانت بتتكلم كتير، وحديثها كان حلو وبتخلي الي معاها مركز في كلامها.  جابها زيوس ( كبير آلهة الاوليمب وآله السماء والصواعق بحسب المثيلوجيا ) لهيرا مراته ( إلهة الزواج) لأنه كان راجل عينه زايغة وعايز حد يشغل مراته عنه علشان هو كان بيحب الستات الفانيات وهيرا ديما كانت مركزة معاه وبتقفشه، هيرا كمان كانت شديدة الغيرة عليه.  لما هيرا عرفت ان زيوس جايب إيكو علشان تشغلها عنه عقبتها عقاب من أقسى العقوبات المتعارف عليها، بانها تردد ...