السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج) .
النهارده هنسيب الأساطير والعلوم ونشوف التاريخ شوية.
هنتكلم عن ليونيداس، مين اتفرج على فيلم 300 وانبهر ب جيرارد بتلر وهو عامل دور ليونيداس، بما ان الفيلم متصنف خيال تاريخي تعالو نعرف مين ليونيداس وليه هو من الأبطال الخالدين في التاريخ اليوناني القديم..
ليونيداس كان ابن الملك أناكسندريدس ملك مدينة أسبرطة، كان عنده اخ اكبر غير شقيق اسمه كليومينيس.
بما ان ليونيداس ماكنش الكبير فمش هيكون الملك كان بيدرب زي معظم الأسبرطين علشان يبقي محارب هوبليت، وكان بيتجهز انه يبقي قائد ومحارب.
بس بعد موت اخوه في ظروف غامضة مع عدم وجود وريث ذكر لاخوه اصبح هو الملك سنة ٤٩٠قبل الميلاد يعني حكم تقريبا حوالي ١٠سنين.
في اخر صيف ٤٨٠ قبل الميلاد الجيش الفارسي بقيادة زركسيس قرر غزو اليونان، علشان ينتقم لخسارتهم في معركة ماراثون الي كانت بقيادة داريوس الاول ( ابو زركسيس ) وقتها كانت مدينة أسبرطة وأثينا اقوي مدينتين من مدن اليونان وبسبب أسلوب القتال الفريد لمحاربين سب
أسبرطة قاد ليونيداس جيش متجمع من كل مدن اليونان القديمة عدده حوالي ٦٠٠٠ محارب و كان الاتفاق ان أثينا هتحارب باسطولها البحري و أسبرطة علي الساحل .
الأسبرطين كان اسلحتهم عبارة عن درع دائري و رمح وسيف قصير من الحديد، وكانو بيستخدمو تشكيل اسمه الكتائب وفيه بيتقدم المحاربين القدمي الجيش، وبيقفو جنب بعض في صفوف ودرعهم بتكون متدخلة في بعض كانو بيعملو زي جدار امامي من درعهم، و علشان كده كان صعب اختراقهم من الأمام.
كانت خطة ليونيداس انه هيتمركز بجيشه علي الساحل في ثيرموبيلاي، وكان معتمد ان الجيش الفارسي هيمر من ممر ضيق في ثيرموبيلاي فهيفقد معظم قوته وده فعلا الي حصل، لحد ما حد من سكان أسبرطة ارشد زركسيس لطريق تاني لثيرموبيلاي عن طريق الجبال، وكده تم محاصرة الجيش اليوناني، زي ما قولنا جيش ليونيداس كان صعب اختراقهم من الامام لكن كان عنده نقطيتين ضعف مميتين الاجناب والخلف مكشوفين مع الحصار بقت هزيمتهم حتمية.
وهنا اخد ليونيداس قرار انه هيبعد كل جيشه وهيسيب بس ٣٠٠محارب الأسبرطين ، وهيحربو زركسيس لحد الموت ، ضحي ليونيداس بجيشه ونفسه، وأثبت ليونيداس ان أسبرطة مستعدة تضحي بكل نفيس وغالي علشان اليونان القديمة،
واصبح ليونيداس بتضحيته بطل اسطوري وبعد ٤٠ سنة من موته استعاد الأسبرطي ما اعتقده انه رفاته وبنو ضريح له، لانهم كانو بيعتقدو ان ابطلهم القتلى وسطاء للآلهة.
وبكده نكون خلصنا حكايتنا التاريخية عن ليونيداس ومعركة ثيرموبيلاي.
ونلتقي باذن الله في تدوينة اخري وما تنسوش تدويناتنا هتنزل بعد كده كل يوم سبت وثلاثاء فتبعونا علشان تعرفو معلومات جديدة باذن الله تكون مفيدة، ونشوفكم على خير.
تعليقات
إرسال تعليق