السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
النهارده هنتكلم عن النداهة طبعا كلنا في مصر سمعنا عنها،
النداهة في مصر هي بنت فائقة الجمال لابسه فستان أبيض و عينها حمرا و بتطير فوق الأرض مش بتمشي، بتظهر في الليالي الي مفهاش قمر وتنادي باسم شخص معين فيمشي مسحور ورا الصوت تطلب منه الزواج فيوافق تخده العالم السفلى ويختفي، او يرفض فتقتله وتظهر جثته بعد كده في مصرف او ترعة، او تظهر لشخص من غير ما تنادي فيعيش طول عمره مجنون.
بس عارفين ان اسطورة النداهة موجودة في كذا بلد.
يلا نروح نشوف حكايات النداهة في البلاد التانية.
أم الدويس ؛
ودي النسخة الخليجية من النداهة، وهي ست في غاية الجمال برضو بتغوي الرجال عن طريق رائحة اكلها الشهية،
وبعد ما تقوم بغواية الرجل تقتله علشان خان زوجته، وبعدين تقطعه وتطبخه، وتغوي برائحته وهو مطبوخ رجل تاني.
حورية البحر؛
َدي نداهة اليونان ، هي نصفها العلوي انسانة جمالها مذهل ونصفها السفلي سمكة، بتغوي البحارة عن طريق صوتها العذب الي بيخلي البحارة منومين مغناطيسي لدرجة ان ممكن السفن تخبط في صخور وتغرق او البحاره ينزلو الماية ويغرقو. كمان مزجها بيتحكم في الجو والبحر وممكن تعمل عواصف تغرق سفن او حتي مدن ساحلية كاملة.
كوتشي ساكي أونا او كوشي ساكي أونا ؛
دي نداهة اليابان، كانت ست جميلة جدا زوجها كان من الساموراي وغيور جدا اعتقد انها بتخونه، راح شق فمها من الاذن اليمني الي الاذن اليسري، وقالها كده انت ما بقتيش جميلة، كوتشي ساكي بتمثل الزوجات المعنفات في الاسطورة، بتظهر في الليالي الضبابية لابسه قناع قماش، وتسأل ضحيتها هل انا جميلة بيرد بأيوة بتشيل القناع وبتسال هل هي لسه جميلة لو الضحية رد بالنفي بتقتله لو رد بالأيجاب بتشق فمه علشان يكون زيها، وبيقولو في احتمال تهرب منها لو شغلتها بالفواكه والحلويات وبعدين تجري، او تسالها انت ايه رأيك فهي تفكر تجري انت برضو وتهرب.
لالورونا؛
ودي بقي نداهة المكسيك والأسبان، في عنها حكايتين، الاولي انها كانت ماريا جميلة طويلة وشعر اسود ناعم وطويل وكان عندها طفلين وعايشة في قرية فقيرة، كانت بتروح تسهر مع الاغنياء وتسيب الطفلين لوحدهم، لما رجعت في مرة لاقتهم غرقو في نهر نزلن وراهم وهي بتبكي وغرقت .
الثانية ان ماريا كانت جميلة و طويلة وشعر اسود ناعم وفقيرة ولكن اتجوزت رجل غني، خلفت منه طفلين، بعد كده رجع للعلاقات النسائية والخمور، وباقي يجي للبيت يشوف اولاده واهملها خالص، وفي مرة شافته معاه وحدة ست علي كوبري علي النهر سلم علي ولاده ومشي، راحت غضبت وغرقة الولاد، وبعديم لما فاقت من غضبها قاعدة تبكي عليهم وتحاول ترجعهم لحد ما غرقت، ولاه يوه روهنا بالاسباني يعني المرأة الباكية وعلشان كانت بتبكي علي ولادها سموها لالورونا، وبقت تظهر علي الانهار وتغرق اي حد يقوب منها ويقال الأطفال علشان بتدور فيهم علي ولادها او الرجال الخائنين علشان تنتقم من جوزها.
عيشة قنديشة ؛
عيشة نداهة المغرب، وبتظهر في شكل ست جميلة بس رجلها شبه الجمال او البغال او الماعز، بتغوي وتستدرج الرجال لوكرها وبعدين تقتلهم وتشرب دمهم وتاكلهم لحمهم، ومش بتخاف غير من النار ويقال نها ظهرت لمجموعة من الرجال ولما اخدو بالهم انها عيشة قنديشة ولعو في العمامات بتاعتهم فهي خافت وهربت.
وبكده نكون خلصنا حكايتنا النهارده ويا ريت تقوللنا رايكم في كومنت و تعملو شير لاصحابكم لو القصة عجبتهم علشان ده بيدعمنا وبيشجعنا نقدم أفضل. ونشوفكم ان شاء الله في تدوينة اخري، وماتنسوش معادنا كل سبت وثلاثاء من كل اسبوع باذن الله.
تعليقات
إرسال تعليق