الأحتراق الذاتي

 السلام عليكم ورحمة الله وبركاته.

اهلا بيكم معانا في مدونة Ruknowledge.

النهارده موضوعنا هيكون غريب، تخيل قاعد في مكان و فاجئة تشوف ضوء ازرق خارج من حد قاعد جنبك، تركز شوية بنظرك تلاقي الضوء ده نار، والنار زي ما خرجت فاجئة تتطفي فاجئة والشخص خلاص اتحول رماد.

كتير قرينا روايات فيها شخصيات بتشتعل فيها نار مجهولة المصدر وبتتحول لرماد، بس ده خيال الكاتب صح؟

احب اقولك ان لا مش صح، في حوالي 200حالة اتسجلت في سجلات الطب الشرعي علي مدار 300 سنة لحالات اشتعلت فيها النار من جوها بدون اي مصدر خارجي للنار دي، وده الي سموه الاحتراق البشري الذاتي. 

اول حالة معروفة لينا هي نيكول ميليت عام 1937، في الاول الشرطة اتهمت زوجها انه قتلها، بس الغريب ان نيكول اتحولت لرماد وما اتبقاش منها غير الجمجمة وعظم اصابعها والغريب ان سريرها الي لاقوها عليه ما اتحرقش غير أجزاء صغيرة جدا منه.

الكاتب تمبل تومسون كمان من أشهر حالات الاحتراق الذاتي، اكتشفو انه ميت في بيته جسمه السفلي كله متفحم والغريب ان جسمه العلوي ما اتضررش خالص ولا هدومه ولا أثاث بيته. 

الراقصة مابل اندروز كانت بترقص مع حبيبها فاجئة لاقو نار طلعة من ظهرها وكتفها وثواني وبقت مابل رماد حاول حبيبها انه يطفيها ولكن ماكنش في اي مصدر للحريق النار خرجت من جواها. 

فيليس نوكومب خارجة من احد الفنادق فاجئة اشتعلت فيها النار، وفشلو في أطفأ النار، اتكتب في اوراق التحقيق لم يسبق ان شاهدت شئ كهذا فقد احترقت الفتاة بنار زرقاء مجهولة المنشئ. 

ماري كاربنتر كانت بتتفسح هي وزوجها واولادها علي قارب، فاجئة اشتعلت فيها النار، اولادها َو زوجها حولو يطفوها و بالماية ولكن فشلو واتحولت ماري لرماد والغريبة ان ملابسها ما اتحرقتش وكانت مبلولة من الماية الي كانو بيحولو يطفوها بيها. 

ماري ريزر كانت ارملة وحيدة جارتها راحت لقيت دخان خارج من شقتها قلقة كسرو الباب لاقوها محترقة كليا، ولاقيو ادوات المطبخ كلها منصهره وده معناه ان ماري احترقة بنار درجة حرارتها اكتر من 1500 درجة. 

دكتور جون بانتي لاقوه في حمام شقته متحول لرماد ناعم ماعدا قدمه اليمين، و لاقو ستاير الحمام و دهان الحمام سالمين تمام. 

وفي غيرهم كتييير. 

طيب هو مافيش حالات تم اتقذها. ؟

لا في 

جاك انجل بيقول انه صحي من النوم لاقي حروق علي جسمه هو مش عارف سببها لكن مافيش شهود. 

بول هايز كان ماشي فاجئة نصف جسمه العلوي اشتعلت فيه النار بيقول انه كان عامل زي الي نط في بير بترول، فكر نفسه هيموت ولكن زي ما النار ولعت فاجئة اتطفت فاجئة. 

راهول طفل هندي النار اشتعلت فيه وهو عنده 9 ايام بس وطفوها ، واشتعلت تاني 3مرات تاني، واتصاب بحروق بالغة.

أديل في سنة 2002 أديل طفلة بتتفسح مع مامتها وباباها في العربية علي البحر وفاجئة فخذها بدا يظهر منه ضوء ازرق واستعلت فيها النار لكن تم انقذها.

الظاهرة دي لها تفسيرات؟

الحقيقة هي مالهاش تفسير منطقي الي الان او مثبت كلها نظريات 

اول نظرية بتقول ان معظم الي اتحرقو كانو بيشربو كحول فا اتكون أسيتون جوا جسمهم ولما قعدو جنب مصدر للنار، النار اشتعلت فيهم، لكن ده تفسير غير منطقي لان الشخص هيموت بالتسمم قبل ما الاسيتون في جسمه هيكون قادر انه يولع فيه لدرجة انه يتحول لرماد. 

ثاني تفسير بيقول ان معظم الي اتعرضو للحرق كانو من اصحاب الوزن الزايد، فبرضو لما قعدو جنب مصدر للاشتعال، الدهون في جسمهم اشتعلت وحصل الاحتراق الذاتي، بيسموه تاثير الفتيل وبيعتبر الدهون زي فتيل الشمعة لما مسكة فيها النار الشمعة اتحرقت وذابت، لكنه برضو تفسير غير منطقي لان جسم الإنسان مكون من 60٪ماية كان هيطفي الاشتعال ده في اوله. 

ثالث تفسير وهو مش علمي هو من الخوارق ان الجن بيتلبس جسم الإنسان وبيتحرق 

رابع تفسير ان الناس دي مذنبين واتعقبو  بالحرق من ربنا وده طبعا مش ممكن نتاكد منه لانه غيبيات . 

انتو ايه رايكو انهي تفسير من وجهة نظركم صح ولا في تفسير تاني في رايكم استنتجتوه او قريتوه ومن وجهة نظركم هو الصح يا ريت اعرف ارائكم في التعليقات . 

وهنا يكون خلص موضوعنا ولو عجبكم الموضوع يا ريت تعملو شير مع اصحابكم علشان يستفيدو ونتقابل في تدوينة جاية باذن الله مع السلامه.