السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش بيعتمدو علي اي شخص في حياتهم ، الأولوية الأولي عندهم الشغل
السلام عليكم ورحمة الله وبركاته، اهلا بيكم معانا في اولي تدوينات مدونة Ruknowledge (ركنوليدج)
النهارده هيكون معانا قصة من المثيلوجيا الإغريقية ( الأساطير اليونانية)، وكلمة مثيلوجيا يعني علم الأساطير، و بتدل علي المعتقدات الدينية سواء كانت صحيحة او لأ.
قصتنا عن حورية اسمها إيكو.
في الاسطورة اليونانية إيكو دي كانت حورية جبلية ، والحوريات حسب المثيلوجيا هي كائنات انثوية شبه البشر ولكن شديدة الحسن والأنوثة و بيعيشو لمدة طويلة جدا محتفظين بشبابهم، وبما ان إيكو كانت حورية جبلية فهي كانت بتعيش في الجبال والوديان.
إيكو كانت بتتكلم كتير، وحديثها كان حلو وبتخلي الي معاها مركز في كلامها.
جابها زيوس ( كبير آلهة الاوليمب وآله السماء والصواعق بحسب المثيلوجيا ) لهيرا مراته ( إلهة الزواج) لأنه كان راجل عينه زايغة وعايز حد يشغل مراته عنه علشان هو كان بيحب الستات الفانيات وهيرا ديما كانت مركزة معاه وبتقفشه، هيرا كمان كانت شديدة الغيرة عليه.
لما هيرا عرفت ان زيوس جايب إيكو علشان تشغلها عنه عقبتها عقاب من أقسى العقوبات المتعارف عليها، بانها تردد الكلام بس متقدرش تتكلم خالص، عقاب قاسي جدا تخيلو كائن مش قادر يعبر عن نفسه وكمان بعد ما كانت حديثها حلو وتأثر الي حولها بيه.
و مع الاسف العذاب في حياة ايكو لسه ما انتهاش.
أحبت واحد اسمه نركسوس وكان خارق الجمال بس كان بشر عادي ومغرور جدا، في مره تاه ف الغابة وهي ما صدقت بقى هتعترف بحبها له، بس طبعا معرفتش تقوله حاجة غير أنها تردد كلامه بس وهو زهق وسابها ومشي فهي اتجرحت وزعلت جدا واستخبت في الكهوف لحد ما ماتت ومبقاش منها غير صوتها واتحولت لرماد ورمادها انتشر ف كل الأماكن المهجورة.
ومن هنا كان تفسير الإغريق لصدا الصوت أن ده صوت إيكو الي انتشر مع رمادها.
و بما أن السونار صدا صوت علشان كده اتسمي إيكو.
ولحد هنا وتكون انتهت اسطورتنا ونلتقي ان شاء الله في تدوينة أخرى وقصة ومعرفة أخرى ولو عجبتكو ما تنسوش التعليقات والشير وشكراً لكم
تعليقات
إرسال تعليق