السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
أهلاً بيكم معانا في مدونة Ruknowledge (ركنوليدج).
انتم من محبين القطط، عندكم قطط في البيت كائن لطيف ودلوع، وشقي، بس كسول، كم مرة بتنام في اليوم، لها كم صورة علي الموبيل وهي نايمة زي البيبي بكل برائة؟
اخدتو بالكم انها بتنام كتير تفتكرو ليه، هي دي تدويناتنا اليوم هنعرف ليه القطط بتنام كتير.
القطط بتنام في اليوم من ١٥ ل ٢٠ ساعة دي طبيعتها، خصوصا القطط الصغيرة او القطط الكبيرة في العمر، القطط الشابة بيتامو بمعدل اقل، انتو عارفين بقي شباب وتهورهم وطيشهم.
القطط اصلا حيوانات مفترسة، فريسها سريعة و القطط بتحتاج تراوغ وتتسلل و بعدين تنقض علي الفريسة بس ساعات الفريسة بتهرب فترجع تاني تعيد الموضوع من اوله علي فريسة جديدة.
كمان القطط بتخرج للصيد في الفجر و المغرب وده بيحتاج مجهود.
القطط فعلا في البيئة الطبيعية بتتعب علشان تاكل، والجهد البدني والي بتبذله القطط اكيد محتاج طاقة والطاقة محتاجة راحة لفترات طويلة وعلشان كده القطط بتنام كتير.
بس القطط بتنام نوعين من النوم.
النوع الاول فيه القطة بتبقي وخده قيلولة كده بس حاسة الشم والسمع شغالة، يعني متأهبه، واي حركة جنبها هتتقض علي طول، علشان كده ما ترخمش عليها في الفترة دي علشان هتزعلك.والنوع ده الي بتقضي فيه ثلاث اربع وقت نومها، والقيلولة فيه بيتكون من ١٥ل ٣٠ دقيقية.
النوع الثاني ده الي بيقضو فيه الربع الباقي من ساعات نومهم وهو النوم العميق، وفي القطط بتحلم، وتلاقي كفهم بيرتعش كده كده قطتك نايمة نوم عميق وبتحلم.
طيب القطط في بيئتها الطبيعية بتبذل مجهود علشان كده بتنام كتير، طيب القطط بتاعت البيت، مش يتبذل مجهود بتنام كتير ليه؟ ببساطة لان النوم الكتير ده وراثه موجود في جينتها، بتنام زي اسلفها الأوائل في البرية، وكمان ساعات بتزهق فتنام زينا برضو.
وهنا تكون انتهت تدويناتنا يا رب تكون عجبتكم، افكركم ان احنا بننشر تدويناتنا يوم السبت والثلاثاء فتبعونا علشان تعرفو جديدنا.
تعليقات
إرسال تعليق