السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
النهارده موضوعنا من الأساطير الإغريقية، عن مخلوقين اسطوريين. وعلاقتهم بكوكبات الكلب الأكبر و الكلب الاصغر.
الاول إسمه ليلابس (laelaps) و ده كان كلب ، قدمه زيوس ( كبير آلهة الأوليمب) ل أوروبا ( إلهة القمر) وبعدين تم اعطاء الكلب للملك مينوس ( ملك جزيرة كريت و ابن أوروبا من زيوس) ، ليلابس حسب الأساطير الإغريقية عمره ما هربت منه فريسة ديما بيصيد فريسته عمره ما فشل.
الثاني اسمه تيوميسيان فوكس ( teumessian fox) وده زي ما واضح من اسمه انه ثعلب بعته اله لمدينة اسمها طيبة في منطقة اسمها بويوتيا في اليونان، علشان يعاقب الناس هناك علي خطأ ارتكبوه، يقال ان الإله كان ديونيسوس ( إله النبيذ والصخب وفق للمثيلوجيا)، الثعلب ده عمر ما حد قدر يصيده.
المطاردة الابدية؛
طلب كريون ( ملك مدينة طيبة) من أمفيتريون ( كان جينرال في مدينة طيبة) انه يمسك تيوميسيان فوكس، ويقتله، فقرر أمفيتريون انه يستعين ب ليلابس علشان يمسك تيوميسيان فوكس.
زيوس هنا شاف ان المطاردة هتستمر للأبد، فقرر انه يحول ليلابس و تيوميسيان فوكس لحجر، وبعدين حول ليلابس المتحجر لكوكبة الكلب الأكبر ( canis Major)، وحول تيوميسيان فوكس المتحجر لكوكبة الكلب الأصغر ( canis Minor).
وده كان تفسير الاغريق للطريقة الي اتكون بيها الكوكبتين.
الكوكبة للي مش عارفين هي مجموعة من النجوم بتكون صورة معينة.
كوكبة الكلب الأكبر ؛
مجموعة من النجوم الساطعة موجودة في جنوب خط الاستواء السماوي في شمال الكرة الأرضية.
كوكبة الكلب الأصغر ؛
هما نجمين نجم ساطع ونجم غير سطوع، موجودة في الجزء الشمالي السماوي من الكرة الأرضية.
وهنا نكون وصلنا لاخر موضوعنا ونشوفكم في تدوينة جديدة. ما تنسوش لو عجبكم موضوعنا تسيبو كومنت وتعملو شير مع اصحابكم علشان يستفيدوا وكمان تحمسونا علشان نكمل، وكمان ما تنسوش معدنا كل سبت وثلاثاء من كل اسبوع.
تعليقات
إرسال تعليق