السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
النهارده كلامنا هيكون عن شخصية أثرت في جيلي وفيا جدا، وهو الدكتور والأديب أحمد خالد توفيق.
الحقيقة كان في تردد ان اكتب عنه لأني مش هوفيه حقه، ولكن بعد ما اتفرجت علي تريلر مسلسل ما وراء الطبيعية الي معظم قراء دكتور أحمد منتظرينه وانا منهم فقررت اتكلم عنه، جايز يكون حد ما يعرفهوش يعني.
هو أحمد خالد توفيق فراج مواليد 10يونيو 1962 في مدينة طنطا محافظة الغربية، تخرج من كلية الطب عام 1985 و حصل علي الدكتوراة في طب المناطق الحارة عام 1997، متزوج ولديه من الأبناء محمد ومريم.
قدم للمؤسسة العربية الحديثة اول رواياته وهي أسطورة مصاص الدماء ولكن ما خصلتش علي اعجاب المؤسسة، واحد المسؤلين في المؤسسة نصحه انه يكتب بوليسي،
لكن احد مسؤلين المؤسسة وهو احمد المقدم كان شايف ان ادب الرعب غير منتشر في الوطن العربي وان الفكرة ممكن تنجح، ورتب لدكتور احمد معاد مع مدير المؤسسة حمدي مصطفي، الي قال له انه هيكون لجنة تدرس القصة ولكن اللطمة الكبري لما ظهر التقرير وكان سلبي جدا ولكن حمدي مصطفي قال لدكتور أحمد انه هيعرض القصة علي لجنة اخري، والحمد لله خرج التقرير بانه القصة بها حبكة روائية و الفكرة واضحة أسلوب ممتاز وفيه اثارة وتشويق وممضية من دكتور نبيل فارق (كاتب راجل المستحيل وفيلم الرهينة).
دكتور احمد بيقول ان دكتور نبيل له الفضل في دخوله المؤسسة ان لولاه كان ممكن حاول سنة كمان وبعدين زهق وبطل كتابة.
وبدأ دكتور أحمد العمل في المؤسسة عام 1992، بسلسلة ما وراء الطبيعية السلسلة الي حبتها جدا انا وجيلي.
دكتَر احمد كان من أول الكتاب العرب الي كتبو رعب و فنتازيا، رعب في سلسلة ما وراء الطبيعية ببطلها دكتور رفعت إسماعيل الساخر صاحب الحظ التعس طبيب أمراض الدم عصا المكنسة الصلعاء ببذلته الكحليه التي تجعله فاتنا، ثم سلسلة فانتازيا ببطلتها عبير البطلة الوخيدة النسائية القارئة النهمه الي اخدتنا معاها في مغامرات مختلفة ، ثم سلسلة سفاري ببطلها دكتور علاء عبد العظيم الي اشتغل في الكاميرون الي عرفنا فيها كتير عن طب المناطق الحارة.
تميز دكتور أحمد باسلوبه السهل الممتع والساخر أحياناً كان بيوصل لعقل وقلب القارئ بسهولة، قدر فعلا يخلي الشباب يقراء واخد لقب العراب لجيلي بكل استحقاق، كتابته كانت البوابة لنا للمعرفة عرفنا في المزيكا والادب العالمي والرسم من خلاله ادغار الن بو (كاتب وناقد) و ريتشارد فاجنر ( مؤلف موسيقى وكاتب مسرحي) و فرنشيسكو جويا ( رسام).
دكتور احمد كمان ترجم أعمال أدبية زي نادي القتال و سلسلة رجفة الخوف و الرواية الشهيرة عداء الطائرة الورقية.
كمان له روايات كتير ناجحة خارج السلاسل زي يوتوبيا، السنجة، في ممر الفئران.
وانضم لمجلة الشباب في 2004 وكتب قصص في صفحة ثابته بعنوان الان نفتح الصندوق.
توفي دكتور احمد في 2ابريل 2018 وكانت من امنياته يكتب علي قبره جعل الشباب يقراء واتحققت الامنية، وكان له امنية اخري انه يكتب سيناريو تلفزيوني ولكن لم يتحقق في حياته للاسف بس في خلال ايام قليلة هنشوف احد اعماله علي شاشة التلفزيون، وقبل كده كان في زودياك كان مقتبس من كتاب حظك اليوم، رحم الله الدكتور وجعل ما تعلمناه منه في ميزان حسناته .
وهنا هتكون انتهت تدويناتنا النهارده يا رب تكونو عجبتكم، وما تنسوش لو عجبكم الموضوع قولولنا في كومنت واعملو شير مع اصحابكم.
وما تنسوش معدنا كل سبت وثلاثاء من كل اسبوع مع قصة ومعلومة جديدة، مع السلامة.
تعليقات
إرسال تعليق