السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
معظمنا سمع عن يد ميداس، اهو النهارده هنتكلم عن الملك ميداس وحكايته من المثيلوجيا الإغريقية.
كان الملك ميداس غني جدا، حكم مملكة اسمها فريجية في آسيا الصغري، كان عنده كل حاجة بيتمنها كان عايش برفاهية في قلعته، وكان عنده بنت جميلة كان بيحبها جدا، وبرغم انه عنده كل الي بيتمناه الا ان كان معتقد ان سعادته في الذهب الكتير كان بيقضي يومه يعد في عملاته الذهبية، كان بيغطي جسمه بالذهب كان عنده هوس بالذهب، وكان نفسه كل شيء يلمسه يتحول لذهب.
وفي يوم مر من مملكة ميداس ديونيسوس ( إله الخمر والصخب)، واتاخر بيه الوقت شافه ميداس وعرف هو مين وعرض عليه يبات عنده كم يوم، و ديونيسوس ماشي من عند ميداس كان مبسوط من لطف ميداس معاه.
وقال ديونيسوس لميداس اطلب اي طلب هحققهولك، ميداس قاله رغبته الي بيتمنها ان نفسه كل الي يلمسه يتحول لذهب، ديونيسوس قاله انت متاكد فكر كويس، ميداس قاله ايوه انا متاكد، ديونيسوس قاله تمام من بكره اي حاجة هتلمسها هتتحول لذهب.
صحي ميداس تاني يوم يجرب ايده لمس تربيزة صغيرة اتحولت لذهب فرح جدا، طلع يجري في كل قصره ويلمس كل حاجة كراسي سجاد أبواب وتعب راح علشان يفطر،
اخد عنب اتحولت ذهب عيش اتحول ذهب مسك كوباية ماية اتحولت بالماية الي جواها لذهب، هنا خاف ميداس، دخلت بنته عليه حضنها اتحولت تمثال ذهب.
بكي ميداس وقعد يصلي لديونيسوس، علشان ياخد منه اللعنة الي صابته دي.
صعب علي ديونيسوس ،فقله يروح لنهر اسمه باكتولوس ( يقال انه نهر سارت حالياً)، وقاله اغسل ايدك هناك،
فميداس سمع الكلام وراح للنهر فعلا وبقي يغسل ايده ويشوف الذهب وهو بيخرج من ايده ويغوص في النهر.
بعدين رجع ميداس قصره ولقي ان كل حاجة رجعت تاني لاصلها وبنته مابقتش تمثال ذهب.
حضن بنته واقتنع ان السعادة مش في الذهب، وقرر يشارك ثروته مع شعبه، عاش شعبه حياة مزدهرة ولما مات زعلو عليه جدا.
وهنا تكون خلصت اسطورتنا النهارده، لو عجبتكم اعملو شير للموضوع مع اصحابكم، ويا ريت تسيبو لنا تعليق تقولو فيه رايكم سلبي او ايجابي.
وما تنسوش تدويناتنا بتنزل كل يوم سبت وثلاثاء من كل اسبوع، نشوفكم على خير التدوينة الجاية سلام.
تعليقات
إرسال تعليق