السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
النهارده موضوعنا هيكون تكملة لموضوع كتبناه قبل كده عن ادجار آلن بو (رائد القصص البوليسية ) ، المرة الي فاتت اخدنا نبذة عن حياته وعن كتاباته وقولنا كانت بتتسم بالسودوية والغموض، وزي ما شوفنا ان حياته كانت معظمها سودوية، هنعرف النهارده ان موته اخد الطابع الثاني من كتاباته وهو الغموض.
في يونيو عام ١٨٤٩ بدأ بو جولة علشان يجمع فلوس لنشر مجلة أدبية جديدة كان بيأمل في نشرها، في ٢٧ سبتمبر ١٨٤٩ كان المفروض ياخد عباره من ريتشموند فرجينيا الي بالتيمور ماريلاند ومنها علي نيويورك، في الليلة الي قبل ركوبه للعباره راح بو للدكتور بسبب الحمي، تاني يوم ركب العباره ووصل بالتيمور فعلا في يوم ٢٨ ولكن مارحش نيويورك واختفي بو، ظهر يوم ٣ أكتوبر في حالة سيئة جداً في حانة، الناس افترضة انه شرب كتير علشان كده عنده ذهول، واستدعو طبيب وبعدين اتنقل بو للمستشفى، في المستشفى بو كان شوية يكون واعي وشوية يفقد الوعي وكان بيهلوس وهو صاحي، في ٧ أكتوبر اتوفى بو.
قالو ان السبب احتقان الدماغ.
في حاجة غريبة لما ظهر بو كان لابس بدلة رخصية وقبعة قش وحذاء مقطع، ده ماكنش لبسه بو كان بيلبس بدلات صوف وغالية.
تفسيرات موت بو ؛
في احتمالات كتير لأسباب موت بو زي مرض السكري، والسل، الصرع، وامراض القلب
وفي احتمال بيقول ان بو مات بسبب مضاعفات إدمان الكحول،
الاحتمال ده في ادلة تثبته زي ان بو طول عمره كان عنده مشكلة مع إدمان الكحول، و ممكن يكون فعلا ده السبب بس اصدقائه كانو بيقولو انه بقي معتدل في شربه للكحول، والطبيب المعالج له في المستشفى جون موران كان مقتنع ان بو لم يكن مخمور.
احتمال تاني بيقول انه اتعرض للتعذيب من قبيل عصابة التعاون، العصابة دي كان بيتم استأجرها من سياسين فاسدين للاجبار الناس انها تنتخب السياسين دول، بتجبرهم عن طريق التعذيب وانه بيشربوهم كميات كبيرة من الكحول، ويجبروهم ينتخبو كذا مرة الشخص الفساد عن طريق انهم يبدلو ملابسهم ويودوهم تاني،
الاحتمال ده كمان في ادلة بتدعمه زي ان وقتها فعلا الاقتراع كان بيتم في الحانات، كمان الملابس الي ظهر بيها بو الي كانت رثه ومش بتاعته، بس كلام جون موران الي بياكد ان بو ماكنش مخمور بينفي الاحتمال ده .
الاحتمال الأخير معانا النهارده بيقول ان بو مات بسبب السعار او داء الكلب،
الأدلة الي بتدعم الاحتمال ده الحمي، الهزيان وفقدان الوعي، وسجلات المستشفى بتقول ان بو كان عنده صعوبة في شرب الماء و الخوف من الماء احد الأعراض المميزة للسعار فعلا.
مع الادلة المجزئة، والي سعات بتكون متناقضة صعب نعرف سبب وفاة بو علي وجه اليقين واعتقد اتها هتفضل كلها احتمالات كده ديما.
بو طول حياته ما حصلش علي شهرة واسعة ولكن حصل عليها بعد موته.
ومن المفارقات الغريبة بعد موت بو كان في حد بيروح يزور قبره وبياخد معاه زجاجة كحول وبيشرب كأس ويكب علي قبر بو كأس، و يسيب باقي الزجاجة ويمشي، الرجل ده ماكنش عايز شهره ومافيش حد يعرف هو مين ولا كان بيعمل كده ليه.
وهنا يكون انتهي موضوعنا النهارده لو عجبكم واستفدتو منه قوللنا في التعليقات، واعملو شير مع اصحابكم، لان ده هيشجعنا نكمل وكمان هيحقق هدف من اهدفنا وهو نشر المعرفة.
ونشوفكم علي خير التدوينة الجاية وما تنسوش موعدنا كل سبت وثلاثاء من كل اسبوع بيكون في تدوينة جديدة، مع السلامة.
تعليقات
إرسال تعليق