السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
أهلاً بيكم معانا في مدونة Ruknowledge (ركنوليدج).
والنهارده معانا موضوع جديد وهنرجع للأساطير تاني،من المثيلوجيا الإغريقية.
النهارده معانا أسطورة ميدوسا او مدوسا.
ميدوسا وعندها اختين تانين كانو كاهنات في معبد أثينا ( إلهة الحكمة و القوة)
ميدوسا كانت جميلة جداً وتقريبا جملها كان لعنة عليها لان بوسيدن (اله البحر) اعجب بجملها واغتصابها في معبد أثينا، فأثينا غضبت جدا من فعلهم الشنيع في معبدها وكالعادة إلهات الإغريق تيجي علي الجانب الأضعف وهو ميدوسا، وعقبتها انها حولتها هي والاختين لمخلوقات ذميمة اسمها الجرجونات، والجرجون في المثيلوجيا الإغريقية هي كائن انثوي له أجنحة ووجهها قبيح وشعر علي شكل أفاعي زي شعر سالي في شركة المرعبين كده، بس في اقاويل بتقول ان ميدوسا الوحيدة في الجرجونات الي أثينا سابت وشها جميل علشان تعرف تأثر على الرجال بجمال وجهها ويبصو لها، وكان الي بيبص لعيونهم بيتحول لحجر.
ميدوسا كانت عايشة في الطرف الغربي في العالم في جزيرة مش بيوصلها شمس ولا قمر اسمها ساربيدون.
اتبعت لها البطل الاسطوري برسيوس او فرساوس في مهمة مستحيلة علشان يقتلها لكن الإلهه، اعطته حاجات تسعده في مهمته المستحيلة.
١- صندل هيرميس المجنح ( هيرمس رسول ألهة الإغريق)
٢-حقيبة سحرية علشان يحط فيها رأس ميدوسا بدن ما تأذيه
٣-خوذة هاديس الي بتخفيه علشان ميدوسا ما تشفهوش ( هاديس او هيدز اخو زيوس وإله العالم السفلى)
٤-درع أثينا اللامع
٥- منجل من هيرميس
راح برسيوس وكانت ميدوسا نايمة كان بيشوفها في الدرع اللامع علشان لو بصلها هيتحول لحجر و ضربها بالمنجل فصل رأسها عن جسمها ودحرج الرأس بالمنجل دخله في الحقيبة.
ظهر من دم ميدوسا الي سال من قطع الرأس بيجاسوس الي هو حصان مجنح.
ومن جسمها كرياسور وهو خنزير مجنح.
ولادها من بوسيدن.
و برسيوس طاير علي صحاري ليبيا نقط الدم كانت بتنزل تتحول لأفاعي
ولما ارتاح علي البحر الاحمر الدم الي نزل في البحر اتحول ل الشعاب المرجانية.
بيقولو ان اصل الاسطوة ان حصل اعتداء علي المعابد في القرن الاول قبل الميلاد، و خلعو للرهبان الاقنعة المخيفة الي كانو بيلبسوها علشان يخوفو قوي الشر، ومن هنا نشأت الاسطورة.
وبكده نكون خلصنا اسطورتنا النهارده ونتقابل المرة الجاية ما تنسوش معدنا كل يوم سبت وثلاثاء من كل اسبوع بننزل تدوينة جديدة.
لوعجبكم موضوعنا قوللنا في التعليقات و اعملو شير مع اصحابكم علشان تشجعونا علي الاستمرار.
تحفففه استمرى
ردحذفشكراً جزيلاً
حذف