التخطي إلى المحتوى الرئيسي

المشاركات

عرض المشاركات من ديسمبر, ٢٠٢٠

نمط المهندس INTJ صفاته ومعلومات عنه ونقط القوة والضعف

 السلام عليكم ورحمه الله وبركاته  النهارده هنتكلم  النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات  بناء علي مؤشر ماير  بريجز MBTI، و INTJ  كل حرف بيشير لسمة اساسية من سمات الشخصية الاربعة   حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N  رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ  هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش بيعتمدو علي اي شخص في حياتهم ، الأولوية الأولي عندهم الشغل
إرسال تعليق
قراءة المزيد

السلعوة بين الحقيقة و الأساطير

4 تعليقات
قراءة المزيد

حيوان يموت إذا شرب الماء اسباب ذالك ومعلومات عنه

السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج). النهارده موضوعنا عن حيوان مميز لانه مش بشرب ماية تقريبا طول حياته، بالعكس لو شرب ماية ممكن يموت. هنقول معلومات عنه، وبيعيش فين، وليه لو شرب ماية بيموت. اسمه جرذ الكنغر، له قدمين خلفية طويلة، وقدمين امامية قصيرة، ورأس كبيرة نسبياً، وعيون كبيرة، طوله من 10 ل 20 سنتيمتر وذيل طويل تقريبا نفس طول جسمه، وزنه من 35جرام ل 180جرام، و عنده اكياس خد خارجية مبطنة بالفراء لتخزين الطعام ممكن يخرج منها الطعام وينظفها. فراء جرذ الكنغر ناعمة لونها بيج فاتح او بني في علامات بيضا علي الوجه، والبطن واسفل الفخذ.  جرذ الكنغر نوع من القوارض الصحراوية، بيعيش في صحراء امريكا الشمالية، جنوب كتدا، جنوب المكسيك.  جزذ الكنغر بيمشي علي اقدامه الخلفية غالبا ومش بيستخدم اقدامه الامامية غير في المشي مسافات طويلة.  ذيل جرذ الكنغر هو الي بيسعده في التوازن أثناء المشي، جرذ الكنغر ممكن يقفز لمسافات كبيرة تقريبا 2متر.  بيحافظ علي نظافة جسمه ولمعة فرائه عن طريق الاستحمام في الرمل الناعم، لو ما استحماش في الرمل ممكن يتسبب له في تقرحات في جسمه.
تعليقان (2)
قراءة المزيد

ليه مش بتضحك لما تدغدغ (نزغزغ ) نفسك ؟

 السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج). موضوع النهارده عن الدغدغة ( الزغزغة). من الأسئلة الوجودية العميقة الي بتنط في عقلنا اول ما نحط دماغنا علي المخدة ونفكر ننام ليه لما ب نزغزغ (ندغدغ) نفسنا مش بنضحك ولما حد بيزغزغنا بنضحك؟ موضوعنا النهارده هيجواب السؤال العميق ده. كلنا تقريبا اتعرضنا للدغدغة في حياتنا خصوصا في الطفولة، كل الاباء والامهات بيدغدغو اولادهم، هو شئ خاص جدا ودليل علي قرب الاشخاص لبعض. لما حد بيدغدغك بتضحك وبتعمل حركات لا ارادية علشان تتجنب الدغدغة، واكيد الضحك ممكن يغير مزاجك. طيب ليه ما ينفعش ندغدغ نفسنا ونضحك ونخرج من مزاج وحش مثلا ونفرح نفسنا بنفسنا. السبب بسيط دماغنا بيراقب حركتنا وبيتوقع الاحساس الي هنحسه مع الحركة دي وبيتجاهل الاحساس. دماغنا بتعرف ان صوبعنا رايح علشان يدغدغنا فبتقلل الاستجابة الحسية علي الدغدغة.  طيب ليه دماغنا بيتجاهل الاحساس المترتب علي حركتنا ؟  بمنتهي البساطة لان احنا لو انتبهنا لكل حركة بنتحركها ده هيقلل انتبهنا وممكن يوقعنا في مشاكل بسبب قلة الانتباه وديما عقلنا بيحاول يحافظ علي حياتنا. ازاي العلماء
إرسال تعليق
قراءة المزيد

اسطورة قزم الحظ و حقيقة صورته المنتشرة

 السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج). انتشر الفترة الاخيرة منشور و صورة اطلقو عليها قزم الحظ وقالو لو عملت مشاركة للصورة هيحصلك حدث سعيد والمنشور تمت مشركته اكثر من مليون مرة. تعالو نعرف شوية عن اصل اسطورة قزم الحظ، وقصة الصورة المنتشرة. أسطورة قزم الحظ الليبريكان او Leprechaun مخلوق اسطوري من الفلكلور الايرلندي (المثيلوجيا الايرلندية) ، بيتم تصور قزم الحظ بأنه قزم عجوز لابس هدوم لونها أخضر وقبعة ممكن تكون مدببة و عليها ورقة البرسيم الثلاثية الي بيعتبروها بتجلب الحظ الجيد، وجزمة بأبزيم.  بيقولو ان الليبريكان طولهم حوالي ٧٥ سنتيمتر، وهما مجموعة من الذكور فقط، عندهم لحية وشعر لونه أحمر، وبيدخنو غليون (بايب). وبيشتغلو في صنع الاحذية، لان اسم لوبيركان مشتق من leath bhrogan وهي كلمة أيرلندية معنها صانع الاحذية، وفي بيقولو انه مشتق من كلمة Lú Chorpain وهي الجسد الصغير.    عنده فلوس كتير جدا بسبب تجارته في الاحذية.  جاي من ارض اسطورية تحت سطح البحر، ولما وصلو أيرلندا خلوها وطنهم، اول مرة مسجلة لحد شاف قزم الحظ كانت في القرن الثامن عشر.  هتعرف انك
تعليقان (2)
قراءة المزيد

المقاتل الثالث عشر

 السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج). النهارده موضوعنا هيكون عن شخصية من علماء المسلمين، كتير مننا ما يعرفهاش رحالة وكاتب وسياسي وفقيه ومحارب كمان. أعمال فنية كتير كانت مستوحاه من قصته ورحلته، زي رواية اكلة الموتي ، و فيلم the 13th warrior او المقاتل الثالث عشر لانطونو بنديراس، ومسلسل دراما سوري اسمه سقف العالم، وحتي كارتون انتاج ديزني. بطلنا النهارده اسمه احمد بن فضلان ، والنهارده هنعرف عن حياته، رحلته واسبابها، وصفه للروس ، وحكايته مع الفايكنج، ورسالة بن فضلان.  حياته  إسمه احمد بن العباس بن رشيد بن حماد بن فضلان، ولد في عام ٨٧٧ في بغداد كان اليد اليمنى للقائد العسكري محمد بن سليمان ( اسقط الدولة الطولنية وارجعها للحكم العباسي و قاد حملات عسكرية لحدود الصين)، ابن فضلان كان سريع التعلم ولذالك تكون عنده ثقافات متعدده من احتكاكه بالشعوب، وترقي في البلاط العباسي، رحلة احمد بن فضلان واسبابها   وصلت رسالة للخليفة المقتدر بالله من قيصر البلغار ألموش بن يلطوار بعد دخوله الإسلام ، يطلب منه ارسال بعثة لتعليم وشرح مباديء الدين وبناء مسجد، و قلعة حص
إرسال تعليق
قراءة المزيد

ليه وازاي بعض الحيوانات بتعمل بيات شتوي ؟

 السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج). النهارده موضوعنا زي ما واضح من العنوان عن البيات الشتوي للحيوانات او سبات الحيوانات. طيب تعالو نعرف الاول يعني ايه بيات شتوي وايه الفرق بينه وبين النوم العادي. البيات الشتوي مش زي النوم العادي بيحصل تغيرات كتير في الجسم أثناء البيات الشتوي، زي انخفاض درجة حرارة الجسم ( مش بيحصل للدببة)، كمان ضربات القلب بتكون بطيئة، والتنفس كمان بيكون بطيئ، لدرجة ان لو حد شاف حيوان وهو في سبات هيفتكره مات مش نايم. العلماء بيعتقدو ان في مركب كيميائي هو الي بيعرف الحيوانات امتي تدخل في السبات او البيات الشتوي اسمه Hibernation Induction Trigger اختصاره HIT ،رغم معرفة العلماء ب HIT الا اننا معندناش معلومات عنه كافية وكل الي نعرفه انه لما بيبدأ النهار يكون اقصر ودرجة حرارة الجو  تقل بيبدأ افراز المركب ده في دم الحيوان ويبدأ الحيوان يستعد للسبات. الحيوانات الي بتدخل في سبات او بيات شتوي بتبدأ تاكل بكميات كبيرة جدا من الخريف علشان تزود الدهون في جسمها، علشان جسمها يقدر يقوم بعملياته الحيواية وكمان يحافظ علي درجة حرارته ما تقلش
إرسال تعليق
قراءة المزيد

اندروميدا

 السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج). النهارده موضوعنا هيكون من المثيلوجيا الإغريقية عن أميرة اسمها اندروميدا (Andromeda).  اندروميدا اتولدت للملك سيفيوس  Cepheus ( كان ملك مملكة اسمها إثيوبيا يقال انها في فلسطين حاليا) والملكة كاسيوب Cassiope.   كانت اندروميدا جميلة جدا، وفي مرة كاسيوب قالت ان اندروميدا اجمل من حوريات البحر النريد ( nereids)،حوريات البحر كانو رائعات الجمل.  سمع بوسيدون  (إله البحر) غضب جداً من كاسيوب لانه كان صديق للنريد. وبعت وحش البحر  قيطسCetus علشان يدمر مملكتهم او كاسيوب  تقدم اندروميدا قربان علشان يرضي عنهم، وفعلا ربطو اندروميدا في صخرة علشان ياكلها وحش البحر. كان برسيوس طاير علشان يرجع بلده، بعد قتل ميدوسا ، شاف اندروميدا وهي مربوطه بالسلاسل وقع في حبها، وقرر ينقذها، وطلع رأس ميدوسا من شنطته ووجه عينها لوحش البحر قيطس، فا اتحول لحجر، وبكده اتحررت اندروميدا من موتها المحقق. اندروميدا كانت مخطوبة لعمها إسمه فينوس، وكانت المفروض تتجوزه، لكن برسيوس، كان بيحبها و مستحيل يسيبها لفينوس، وكمان اندروميدا حبته لانه البطل الي
إرسال تعليق
قراءة المزيد

اسطورة مياو شان

 السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج). النهارده موضوعنا هيكون من المثيلوجيا الصينية، اسطورة بنت اسمها مياو شان. مياو شان اتولدت لملك اسمه مياو تشونج ين من ملوك الصين كانت اصغر اخوتها، كان عندها اختين اكبر منها، عند ولادتها كان عندها وحمات كتير، والوحمة في اعتقاد الصينين دليل علي قدسية الشخص. ابوها كان بيعملها معاملة سيئة، علشان الناس كانت بتبجلها بسبب الوحمات.  مياو شان كانت بتلبس ملابس بسيطة، وكانت طيبة ولطيفة وكانت بتحب تساعد الناس، كل الناس الي اتعملو معاها كانو ييشهدو بصلاحها، كانو بيطلقو عليها البكر ذات قلب بوذا. بس ابوها كان عنده رغبة في زيادة ثروته وسلطته وبما انه معندوش ذكور فكان هيوصل لده عن طريق تزويج بناته من رجال عندهم ثروه وسلطه. دبر الملك زواج لمياو شان، لكت مياو شان رفضت، وقالت انها عايزة تكون رهبه لبوذا، الملك غضب جدا وحاول يقنعها بانها تتجوز اننا هي أصرت علي الرفض. الملك حاول يغير رأيها يانها تشتغل اشغال شقة جدا مع الخدم، وتشتغل في حديقة القصر، وكان بيعطيها اكل وشرب قليل، وصعبت علي امها واخوتها وراحو يتحيلو عليها تسمع كلام ا
إرسال تعليق
قراءة المزيد

ليه القاتل المتسلسل (السفاح ) بيقتل ؟

 السلام عليكم ورحمة الله وبركاته. اهلا بيكم معانا في مدونة Ruknowledge (ركنوليدج). والنهارده زي ما واضح من العنوان كلامنا عن القتلة المتسلسلين او السفاحين. الاول نعرف يعني ايه قاتل متسلسل؟  هو شخص قتل 3مرات بينهم فترة زمنية يعني حوالي شهر غالبا الضحايا مش بيكون عارفهم قبل كده بيكونو عشوائين.  التعريف بيتغير من بعض السلطات في بيقلل عدد الضحايا ل2 وبعدهم بيعتبرو القاتل، قاتل متسلسل وفي بيرفعهم ل 4، وفي بيقول مش شرط يكون الضحايا مجهولين للقاتل.  عندنا في مصر كان في  قاتل متسلسل زمان اسمه التوربيني، وحاليا قاتل جديد اسمه قذافي، قذافي ضحاياه عارفينه وهو عارفهم، كمان عنده دافع لقتل كل ضحيه من ضحاياه.  ندخل في الموضوع بتاعنا ليه القتله المتسلسلين بيقتلو؟ معظم عمليات القتل الي بيقوم بيها القتله المتسلسلين ملهاش دافع بالنسبة للمحققين، لكن في الحقيقة في دافع و في رغبات كتير بتخلي القتله المتسلسلين بيقتلو. غالباً القتلة بيكونو عانو في طفولتهم من الهجر، من الاب او الام وفي بعض الحالات من الاب والام، كمان في اتعرضو لعنف، وفي اتعرضو لانتهاكات جسدية كمان. وعلشان كده كتير من القتله المتسلسلين بيقتلو
إرسال تعليق
قراءة المزيد