السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
النهارده موضوعنا هيكون عن شخصية من علماء المسلمين، كتير مننا ما يعرفهاش رحالة وكاتب وسياسي وفقيه ومحارب كمان.
أعمال فنية كتير كانت مستوحاه من قصته ورحلته، زي رواية اكلة الموتي ، و فيلم the 13th warrior او المقاتل الثالث عشر لانطونو بنديراس، ومسلسل دراما سوري اسمه سقف العالم، وحتي كارتون انتاج ديزني.
بطلنا النهارده اسمه احمد بن فضلان ، والنهارده هنعرف عن حياته، رحلته واسبابها، وصفه للروس ، وحكايته مع الفايكنج، ورسالة بن فضلان.
حياته
إسمه احمد بن العباس بن رشيد بن حماد بن فضلان، ولد في عام ٨٧٧ في بغداد كان اليد اليمنى للقائد العسكري محمد بن سليمان ( اسقط الدولة الطولنية وارجعها للحكم العباسي و قاد حملات عسكرية لحدود الصين)، ابن فضلان كان سريع التعلم ولذالك تكون عنده ثقافات متعدده من احتكاكه بالشعوب، وترقي في البلاط العباسي،
رحلة احمد بن فضلان واسبابها
وصلت رسالة للخليفة المقتدر بالله من قيصر البلغار ألموش بن يلطوار بعد دخوله الإسلام ، يطلب منه ارسال بعثة لتعليم وشرح مباديء الدين وبناء مسجد، و قلعة حصينة لحمايته من الاعداء.
فتم اختيار أحمد بن فضلان تقدير له وكمان لعلمه ( مش زي الفليم ما قال ان الخليفة كان بيتخلص منه علشان بنت).
البعثة كان قائدها سوسن الرسي مع تكين التركي و بارس الصقلابي، واحمد بن فضلان.
محطات رحلة أحمد بن فضلان
بلاد العجم والترك
بلاد الصقالبه
بلاد الروس والبلاد الاسكندنافية وبلاد الخرز
وصفه للروس
وصفهم بانهم كالنخيل شقر حمر قليليلن الاستحمام، مش بيغسلو ايديهم بعد الأكل، اوصاف اشمئز منها ابن فضلان،
حكايته مع الفايكنج
حدثة حالة وفاة لحاكم احد قبائل الفايكنج فاعتقد ابن فضلان انه هيحضر مراسم الدفن ويمشي ولكن الي حصل غير كده، حصل صراع بين ٢من القادة علي الحكم بيولييف و نوركيل الي كان بيعتقد ان ابن فضلان ساحر وهيسعده يوصل للحكم بسبب قيام أحمد بن فضلان الليل وقرأة القرآن.
ولكن وصل رسول طلب من بيولييف انه يلحق اهله الي بيتم قتلهم وخطفهم من قبل مخلوقات غريبة.
وبكده توركيل أصبح هو الحاكم.
ولجئ بيولييف لساحرة علشان تسعده في خطوته القادمة ( معروفة بملاك الموت)، وقالت ملاك الموت ل بيولييف يخد معاه ١٢محارب ومنهم محارب مش من اهل الشمال وهيكون النصر حليفه ، وبما ان احمد بن فضلان كان اصغر المبعوثين فتم اختياره ليكون المقاتل الثالث عشر، وقال بن فضلان انه في الوقت ده اعتبر نفسه في عداد الأموات.
عند وصولهم كانو في حالة الدفاع الي ان اكتشفه بعد عددت هجمات من المخلوقات الغريبة، انهم بشر متنكرين في جلد حيوانات، و انتصرو عليهم.
رسالة احمد بن فضلان
كانت مخطوطة دون فيه تفاصيل رحلته وتفصيل الحياة اليومية للشعوب الي مر بيها أثناء رحلته و البرد وطول الليل والنهار وبيقولو انه اسمه في المخطوطة كان محمد ومش أحمد
وتوفي احمد بن فضلان في عام ٩٦٠ميلاديا في بغداد.
وهنا يكون خلص موضوعنا، لو عجبك، ولو اول مرة بتشوف مدونة Ruknowledge ، ممكن تشوف موضوعتنا الي فاتت واكيد هتعجبك ، وما موضوعتنا بتنزل كل يوم سبت وثلاثاء من كل اسبوع، مع السلامة.
تعليقات
إرسال تعليق