السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
انتشر الفترة الاخيرة منشور و صورة اطلقو عليها قزم الحظ وقالو لو عملت مشاركة للصورة هيحصلك حدث سعيد والمنشور تمت مشركته اكثر من مليون مرة.
تعالو نعرف شوية عن اصل اسطورة قزم الحظ، وقصة الصورة المنتشرة.
أسطورة قزم الحظ
الليبريكان او Leprechaun مخلوق اسطوري من الفلكلور الايرلندي (المثيلوجيا الايرلندية) ، بيتم تصور قزم الحظ بأنه قزم عجوز لابس هدوم لونها أخضر وقبعة ممكن تكون مدببة و عليها ورقة البرسيم الثلاثية الي بيعتبروها بتجلب الحظ الجيد، وجزمة بأبزيم.
بيقولو ان الليبريكان طولهم حوالي ٧٥ سنتيمتر، وهما مجموعة من الذكور فقط، عندهم لحية وشعر لونه أحمر، وبيدخنو غليون (بايب).
وبيشتغلو في صنع الاحذية، لان اسم لوبيركان مشتق من leath bhrogan وهي كلمة أيرلندية معنها صانع الاحذية، وفي بيقولو انه مشتق من كلمة Lú Chorpain وهي الجسد الصغير.
عنده فلوس كتير جدا بسبب تجارته في الاحذية.
جاي من ارض اسطورية تحت سطح البحر، ولما وصلو أيرلندا خلوها وطنهم، اول مرة مسجلة لحد شاف قزم الحظ كانت في القرن الثامن عشر.
هتعرف انك بتقرب من مكان الليبريكان، لو سمعت صوت عويل حزين، او صوت نق نق نق وهو صوت الطرق علي نعال الاحذية.
هو بيعيش في اماكن تحت الأرض وعنده بيت مريح وصغير تحت الارض، وبيستخدم انفاق تحت الأرض للتنقل.
لو عايز تصيد قزم الحظ فافضل وقت الفجر او المغرب.
لو حظك حلو و اصطاده بقي اوعي تفرط فيه وخلي عينك عليه، لانه مخبي دلو فيه عملات ذهبية اخر قوس قزح.
و ممكن يقولك مكان جردل العملات الذهب مقابل انك تعطيه حريته.
او تختار ٣ أمنيات يحققها لك، بس لو غمضت عينك لحظة هيختفي هو مراوغ جدا.
او تعمله فخ وتمسكه في عيد القديس باتريك، وهنا هيجيبلك عملات ذهبية كتتتتتتير جدا.
وعلشان كده هو قزم الحظ.
حقيقة صورة قزم الحظ المنتشرة
الحقيقة هو مش قزم الحظ، دي عروسة مصنوعة يدويا، لفننانة روسية اسمها تاتيانا كاتروشوفا Татьяна Катрушова.
لشخصية خيالية هي مسمياها ساحرة الغابة، طول العروسة ٣٧سنتميتر، مصنوعة من البلاستك، ومتلونة بالألوان الاكريليك.
و مصنعة كذا عروسة منهم قزم السفر الي اتنشر علي الفيسبوك برضو يس ما حقش شهرة واسعة زي قزم الحظ.
يعني مش هيحصلك حدث سعيد لو شركتها ولا حاجة.
بس ممكن لو شاركتو الموضوع ده مع اصحابكم يحصلكم حدث سعيد، جربو كده وقولولي في التعليقات.
وهنا يكون خلص موضوعنا النهارده، لو اول مرة بتشوف مدونة Ruknowledge (ركنوليدج)، شوف المواضيع اللي فاتت هتعجبك باذن الله، وما تنسوش موضوعتنا بتنزل كل يوم سبت وثلاثاء من كل اسبوع، مع السلامة.
موضوع مميز
ردحذفشكراً لذوقك
حذف