السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش بيعتمدو علي اي شخص في حياتهم ، الأولوية الأولي عندهم الشغل
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
النهارده موضوعنا عن حيوان غريب ناس تقول شوفنا، وناس تقول ده كائن مش حقيقي واسطوري، السلعوة.
ظهرة السلعوة مرة تاني في قنا مصر، تم قتل حيوان عض 10اشخلص تقريباً، ولكن يقال ان ظهر حيوان اخر وعض شخصين وهرب.
تعالو النهارده نعرف اسطورة السلعوة ومنين جات، ونعرف معلومات عنها وهل يا تري هي حقيقة ام لا؟
أسطورة السلعوة
هي في اسطورتين لسلعوة، الاولي في برديات مصر القديمة.
وبتقول ان في حيوان بيحمي المعابد و اماكن الدفن، وهيهاجم ويقتل اي حد هيدخلهم علشان يسرق.
ومذكور في البرديات دي مواصفات للكائن ده، وهي تقريباً نفس المواصفات اللي بيتم ذكرها من ناس بتقول انها شافته.
مواصفات السلعوة
انه شبه الكلب والثعلب والذئب.
لونه اسود وذكي جدا ومكار.
سريع ومش بيخاف من الناس.
له اذنين شبه اذن الثعلب.
واهم مواصفاته انه عنده القدمين الخلفيتين طويلة و القدمين الاماميتين قصيرة.
الاسطورة التانية و دي موجودة في الفلكلور المصري
بتقول انهم كانو 2 ستات اخوات، بيطلعو بليل ويروحو المقابر، وياكلو المتوفين حديثي الدفن.
وفي مرة زوج واحدة فيهم صحي وطلع وراها يشوف بتعمل ايه، لاقاها راحت لاختها في قرية جنبهم واخدتها وطلعو علي المقابر.
وفتحو المقبرة واخت بتخرج دماغ علشان تاكلها، ما خرجتش فقالت لاختها بوجه بوجه ( فمه فمه) فردت عليها وقلتلها اقصفي عنجه ( اكسري رقبته)، الزوج شاف و رجع بيته ونام.
زوجته رجعت و استحمت، فهو صحي وقال لها عايز ماية فقالت انها بتخاف من صوت الزير وهي بتملي الكوب ماية.
فقال لها ما خوفتيش لما وصيتي اختك تكسر رقبة المتوفي، عرفت انه كشفها وقالت له لو حد تاني كانت شربت دمه واكلت لحمه لكن علشان خاطر اولادها هتسيبه و وصته علي ولادها ومشيت راحت لاختها قالتلها انهم انكشفو، ومشيو وماحدش عارف راحو فين.
لكن سابو اولادهم وولادهم جابو ذرية كبيرة. ( هذه الاسطورة المرعبة ماما كانت بتحكيهالنا قبل النوم )
هنا الاساطير انتهت تعالو نشوف رائ العلم
الحقيقة ان علميا مافيش حيوان اسمه السلعوة، ولكن الاطباء بيقولو انه حيوان هجين ناتج من تزاوج ذكر كلب مع انثي ثعلب او انثي ذئب او انثي كلب بري ( ابن آوي)
الكائنات الهجين الناتجة عن التزاوج بتاخد الصفات المتوحشة من الاب ومن الام فبتكون اكثر شراسة منهم الاتنين، ولا يمكن تروضها، وبيقولو ان اكثر انواع الهجين شراسة الانواع الناتجة عن تزاوج ذكر الكلب مع أنثى ذئب.
وفي رائ تاني ان السلعوة هي الذئب الأفريقي، وربما يكون الرائ ده صحيح لان محطوط تمثال للاله انوبيس ( إله الموتي عن قدماء المصرين انسان برأس ذئب قريب الشبه من الذئب الأفريقي) في مقبرة الملك توت عنخ امون ويعتقد علماء الآثار ان التمثال محطوط للحماية من نباشي القبور، الي في الاسطورة المصرية القديمة مذكور ان الي بيحميها السلعوة.
وهنا يكون خلصو موضوعنا النهارده، لو اول مرة بتشوف مدونة Ruknowledge (ركنوليدج)، شوف المواضيع اللي فاتت هتعجبك باذن الله، وما تنسوش موضوعتنا بتنزل كل يوم سبت وثلاثاء من كل اسبوع، مع السلامة.
معلومات ممتازه استمرو
ردحذفشكراً جزيلاً
حذفالموضوع جميل جدا احسنتى النشر
ردحذفشكراً جزيلاً على تشجعك
حذف