السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
النهارده موضوعنا زي ما واضح من العنوان عن البيات الشتوي للحيوانات او سبات الحيوانات.
طيب تعالو نعرف الاول يعني ايه بيات شتوي وايه الفرق بينه وبين النوم العادي.
البيات الشتوي مش زي النوم العادي بيحصل تغيرات كتير في الجسم أثناء البيات الشتوي، زي انخفاض درجة حرارة الجسم ( مش بيحصل للدببة)، كمان ضربات القلب بتكون بطيئة، والتنفس كمان بيكون بطيئ، لدرجة ان لو حد شاف حيوان وهو في سبات هيفتكره مات مش نايم.
العلماء بيعتقدو ان في مركب كيميائي هو الي بيعرف الحيوانات امتي تدخل في السبات او البيات الشتوي اسمه Hibernation Induction Trigger اختصاره HIT ،رغم معرفة العلماء ب HIT الا اننا معندناش معلومات عنه كافية وكل الي نعرفه انه لما بيبدأ النهار يكون اقصر ودرجة حرارة الجو تقل بيبدأ افراز المركب ده في دم الحيوان ويبدأ الحيوان يستعد للسبات.
الحيوانات الي بتدخل في سبات او بيات شتوي بتبدأ تاكل بكميات كبيرة جدا من الخريف علشان تزود الدهون في جسمها، علشان جسمها يقدر يقوم بعملياته الحيواية وكمان يحافظ علي درجة حرارته ما تقلش جدا، و علشان الحيوان لما يصحي في الربيع يكون عنده طاقة كافية ويقدر يمشي وتحرك عادي.
وبعد الخريف ما يخلص والحيوان يكون زود دهون جسمه، بيجي الشتاء ويدخل الحيوان في ثبات لحد فصل الخريف.
في فترة السبات وعكس المتعارف عليه بتصحي الحيوانات تاكل وجبه خفيفة او تروح الحمام (اعزكم الله).
الا ان في بعض انواع الدببه مش بتصحي خالص طول فترة السبات.
الحيوانات المشهوره بدخولها في بيات شتوي هي الدببه رغم انه زي ما قولنا درجة حرارة جسمه أثناء السبات مش بتقل، الا ان في انواع كتير من الحيوانات بتدخل في سبات زي بعض انواع الفأران، وبعض انواع السنجاب ، و طائر اسمه كومون بورويل وبعض الطيور من نفس فصلته الا انها بتدخل لفترات اقل منه.
البيات الشتوي بيتاثر ب البيئة يعني لو حيوان غير بيئته، بتدخل في سبات لفترات اقل، وممكن ما تدخلش خالص.
وهنا نوصل للإجابة بتاعت سؤالنا ليه الحيوانات بتعمل بيات شتوي؟
العلماء بيقولو بسبب نقص الغذاء في الفترة الشتاء فبتعمل بيات شتوي وتصحي لما الاكل بيبدأ يتوفر تاتي في الربيع.
وهنا يكون خلص موضوعنا لو عجبك ولو اول مرة بتشوف مدونة Ruknowledge، ممكن تشوف موضوعتنا الي فاتت واكيد هتعجبك، وما تنسوش موضوعتنا بتنزل كل يوم سبت وثلاثاء من كل اسبوع، مع السلامة.
تعليقات
إرسال تعليق