السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
النهارده موضوعنا هيكون من المثيلوجيا الإغريقية عن أميرة اسمها اندروميدا (Andromeda).
اندروميدا اتولدت للملك سيفيوس Cepheus ( كان ملك مملكة اسمها إثيوبيا يقال انها في فلسطين حاليا) والملكة كاسيوب Cassiope.
كانت اندروميدا جميلة جدا، وفي مرة كاسيوب قالت ان اندروميدا اجمل من حوريات البحر النريد ( nereids)،حوريات البحر كانو رائعات الجمل.
سمع بوسيدون (إله البحر) غضب جداً من كاسيوب لانه كان صديق للنريد.
وبعت وحش البحر قيطسCetus علشان يدمر مملكتهم او كاسيوب تقدم اندروميدا قربان علشان يرضي عنهم، وفعلا ربطو اندروميدا في صخرة علشان ياكلها وحش البحر.
كان برسيوس طاير علشان يرجع بلده، بعد قتل ميدوسا، شاف اندروميدا وهي مربوطه بالسلاسل وقع في حبها، وقرر ينقذها، وطلع رأس ميدوسا من شنطته ووجه عينها لوحش البحر قيطس، فا اتحول لحجر، وبكده اتحررت اندروميدا من موتها المحقق.
اندروميدا كانت مخطوبة لعمها إسمه فينوس، وكانت المفروض تتجوزه، لكن برسيوس، كان بيحبها و مستحيل يسيبها لفينوس، وكمان اندروميدا حبته لانه البطل الي انقذها، فحول فينوس لحجر بعيون ميدوسا واتجوز اندروميدا.
خلفت اندروميدا 7ابناء وبنتين، وكانت ملكة علي
مملكة ميسينا ويقال ان ابنائها هما اسلاف الفرس.
ووعدتها أثينا ان بعد موتها لها مكان محفوظ في السماء،
وفت أثينا بوعدها وحولتها لكوكبة اندروميدا في السماء.
من اسطورة اندروميدا مش هي بس الي لها كوكبه.
ابوها الملك سيفيوس Cepheus له كوكبة علي إسمه
وجوزها برسيوس او فرساوس Perseus له كوكبة علي اسمه.
ووحش البحر قيطس Cetus له كوكبة علي اسمه
جمال اندروميدا كان لعنة عليها و كانت هتموت بسببه، لكنه كان كمان نعمة لها و برسيوس انقذها بسببه.
وهنا تكون إنتهت اسطورتنا النهارده، لو اول مره بتشوف مدونة Ruknowledge، شوف الموضوعات الي فاتت هتعجبك، وكمان ما تنسوش موعدنا كل يوم سبت وثلاثاء من كل اسبوع بينزل موضوع جديد، مع السلامة.
تعليقات
إرسال تعليق