السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش ...
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
والنهارده زي ما واضح من العنوان كلامنا عن القتلة المتسلسلين او السفاحين.
الاول نعرف يعني ايه قاتل متسلسل؟
هو شخص قتل 3مرات بينهم فترة زمنية يعني حوالي شهر غالبا الضحايا مش بيكون عارفهم قبل كده بيكونو عشوائين.
التعريف بيتغير من بعض السلطات في بيقلل عدد الضحايا ل2 وبعدهم بيعتبرو القاتل، قاتل متسلسل وفي بيرفعهم ل 4، وفي بيقول مش شرط يكون الضحايا مجهولين للقاتل.
عندنا في مصر كان في قاتل متسلسل زمان اسمه التوربيني، وحاليا قاتل جديد اسمه قذافي، قذافي ضحاياه عارفينه وهو عارفهم، كمان عنده دافع لقتل كل ضحيه من ضحاياه.
ندخل في الموضوع بتاعنا ليه القتله المتسلسلين بيقتلو؟
معظم عمليات القتل الي بيقوم بيها القتله المتسلسلين ملهاش دافع بالنسبة للمحققين، لكن في الحقيقة في دافع و في رغبات كتير بتخلي القتله المتسلسلين بيقتلو.
غالباً القتلة بيكونو عانو في طفولتهم من الهجر، من الاب او الام وفي بعض الحالات من الاب والام، كمان في اتعرضو لعنف، وفي اتعرضو لانتهاكات جسدية كمان.
وعلشان كده كتير من القتله المتسلسلين بيقتلو علشان خايفين من انهم يتعرضو للهجر مرة تانية لانهم عندهم خوف مرضي من الرفض والهجر.
كمان الغضب بيكون احد الدوافع عند البعض بالذات الي اتعرضو لتعنيف وانتهكات جسدية ونفسية، بيحون غضب من فئة معينة فيقتل اي حد ممثل للفئة دي، زي مثلا قاتل غاضب من امه فبتكون ضحاياه لهم نفس هيئتها تقريبا، او غضب من المجتمع كله وبيمشي يقتل في خلق الله بيفش غله وخلاص.
كمان القاتل سعات بيقتل علشان يحس بالقوة والهيمنة علي الضحية.
وأخيراً بيقتل علشان هو عايز يقتل بيستمتع بالقتل هدفه وغايته هي القتل.
واحب اقول، مافيش مبرر للقتل بغض النظر عن الدوافع الي عرضناها الا انهم بيقتلو علشان عايزين يقتلو وبكامل رغبتهم بيقررو انهم ينهو حياة إنسان.
وهنا يكون انتهى موضوع النهارده، لو انتو اول مرة بتزورو مدونة ركنوليدج ممكن تشوفو موضوعتنا السابقة، وماتنسوش احنا بننزل موضوعتنا كل يوم سبت وثلاثاء من كل اسبوع، مع السلامة.
تعليقات
إرسال تعليق