السلام عليكم ورحمه الله وبركاته النهارده هنتكلم النهارده عن واحدة من انماط MBTI الستة عشر . معانا نمط المهندس ولها كذا اسم منهم العقل المدبر المعماري او INTJ كلهم اسماء لنفس النمط ،نمط شخصية المهندس INTJ واحد من المحللون الاربعة . معني INTJ ؟ هو اختصار ل نمط واحد من ستة عشر نمط من الشخصيات بناء علي مؤشر ماير بريجز MBTI، و INTJ كل حرف بيشير لسمة اساسية من سمات الشخصية الاربعة حرف I رمز ل ( Introversion ) انطوائي وده معنان انه بيشحن طاقته عن طريق الجلوس بفرده في كهفه الخاص حرف N رمز ل (Intuition ) حدسي ومعناه انه بيهتم بالتركيز علي الافكار والمفاهيم بدل من الحقائق والتفاصيل حرف T رمز ل ( Thinking ) عقلاني ومعناه انه بياخد القرارات بناءً على المنطق والعقل حرف J رمز ل (Judging ) صارم وده معناه انه بيفضل التخطيط والتنظيم صفات نمط المهندس INTJ المهندس INTJ هو ثالث اندر نمط بنسبة ٢٪ من سكان الكوكب ، و ٣٪ في الرجال و ١٪ بس من النساء وهي اندر شخصية في النساء . المهندس INTJ هو أحد المحللون انطوائي حدسي عقلاني وصارم . مش بيعتمدو علي اي شخص في حياتهم ، الأولوية الأولي عندهم الشغل
السلام عليكم ورحمة الله وبركاته.
اهلا بيكم معانا في مدونة Ruknowledge (ركنوليدج).
النهارده موضوعنا هيكون من المثيلوجيا الصينية، اسطورة بنت اسمها مياو شان.
مياو شان اتولدت لملك اسمه مياو تشونج ين من ملوك الصين كانت اصغر اخوتها، كان عندها اختين اكبر منها، عند ولادتها كان عندها وحمات كتير، والوحمة في اعتقاد الصينين دليل علي قدسية الشخص.
ابوها كان بيعملها معاملة سيئة، علشان الناس كانت بتبجلها بسبب الوحمات.
مياو شان كانت بتلبس ملابس بسيطة، وكانت طيبة ولطيفة وكانت بتحب تساعد الناس، كل الناس الي اتعملو معاها كانو ييشهدو بصلاحها، كانو بيطلقو عليها البكر ذات قلب بوذا.
بس ابوها كان عنده رغبة في زيادة ثروته وسلطته وبما انه معندوش ذكور فكان هيوصل لده عن طريق تزويج بناته من رجال عندهم ثروه وسلطه.
دبر الملك زواج لمياو شان، لكت مياو شان رفضت، وقالت انها عايزة تكون رهبه لبوذا، الملك غضب جدا وحاول يقنعها بانها تتجوز اننا هي أصرت علي الرفض.
الملك حاول يغير رأيها يانها تشتغل اشغال شقة جدا مع الخدم، وتشتغل في حديقة القصر، وكان بيعطيها اكل وشرب قليل، وصعبت علي امها واخوتها وراحو يتحيلو عليها تسمع كلام ابوها علشان يعفو عنها، قالت خلاص موافقة اتجوز لو جوازي هيمنع ثلاثة مصائب، الموت والشيخوخة والمرض، فطبعا غضب الملك منها اكتر وبقي يقسو عليها اكتر.
امها واخوتها توسلو للملك انه يسمح له تروح الدير وتتبع قلبها، وافق الملك بس بعد ما طلب من راهبات الدير انهم يعذبوها، رفقو الراهبات بسبب خوفهم من المللك.
كانو بيخلوها تقوم بالمهام الصعبة وساعات عمل طويلة، وحرموها من الطعام، ولكن هي ماكنتش بتشتكي ولا بتنتقم منهم، الحديقة الي كانت بتزرعها ازدهرت ورغم الطقس القاسي.
الملك عرف المعجزات الي ظهرت في الدير بسبب مياو شان، فامر جنوده يروحو يقتلو الراهبات ويرجعو مياو شان، عند وصول الجنود للدير حل ضباب علي الدير ، ومياو شان هربت، والجنود مع الوقت فقدت الأمل انها تلقيها.
عاشت مياو شان فوق جبل كانت بتاكل من الثمار الي بتطرح علي الجبل وتشرب من الجداول.
بعد سنين مرض الملك، وفشل كل أطباء المملكة في علاجه وفقدو الأمل، وخلاص كلهم اجمعو انه هيموت، وقتها ظهر راهب وقاله انه لسه في امل في علاجه، لو حصل علي عيون وذراعين شخص خالي من الغضب.
الملك كان يائس علشان عارف ان مستحيل يلاقي الشخص ده، فالراهب قاله انه موجود شخصية اسمها بوديساتفا عايشة علشان تخفف الألم عن الناس وعايشه علي جبل اسمه فراجرانت، لو ارسل لها مرسال هتعطيه المطلوب.
راح لها المرسال، افتكرت ازاي انه عذب اتباع بوذا وما احترمش فلسفته وموت أبرياء كتير، لكن صعب عليها معاناته وفعلا اعطت المرسال عيونها وذراعيها،بس قالت للمرسال يقول للملك يبطل تصرفاته الشريرة.
المرسال رجع وقال للملك كلام بوديساتفا واعطي الذراعين والعيون للراهب ولتحضير دواء الملك وتم شفاء الملك.
واتغير وبقي رحيم وطيب، وكان عايز يكافئ الراهب علي علاجه، الراهب قاله ما تكافئنيش انا بوديساتفا الي لازم تتكافئ، فبعت لها الملكة والاميرات علشان يشكروها واول ما شفوها عرفو انها مياو شان فحضنوها وبكو، احاطتهم الغيوم والارض اتهزت واتعزفت الموسيقي والسماء مطرت زهور، وهنا استعادة مياو شان ذراعيها و عيونها.
ودعتها الملكة والاميرات ،وكملت مياو شان رحلتها نحو التنوير.
والملك والملكة بانو محرقة علي شرف مياو شان وجمعو كل حاجتها الي اعتبروها مقدسة، ورجعو بعد فترة للجبل وبانو عليه ضريح وحطه فيه كل حاجتها المقدسة.
وعرفها الصنين بأسم كوان ين او غوان ين إلهة الرحمة بحسب الفلسفة البوذية.
وعند اهل تايلاند معروفة باسم ماي كوان إم واترجم اسمها للعربية باسم قوانيين.
وهنا تكون انتهت اسطورتنا النهارده ونشوفكم في موضوع جديد، لو انتو اول مرة بتشوفو مدونة Ruknowledge ممكن تبصو علي موضوعتنا الي قبل كده هتعجبكم، وما تنسوش موضوعتنا بتنزل كل سبت وثلاثاء من كل اسبوع مع السلامة.
تعليقات
إرسال تعليق